Asong puti

Socrates Magnus

Salaminin natin ang panaginip ni Desiree ng Desiree_Viana_Datoon@ facebook.com

Dear Professor,

Ano ang ibig sabihin kapag nanaginip ng asong puti at hinahawakan ko ito?

Naghihintay,

Desiree

Sa iyo Desiree,

Pangkaraniwan, ang aso sa mga panaginip ay sinisim­bolo ng mga kaibigan o ng taong palagi nating nakaka­sama, gayundin ang mga taong nagmamahal sa atin na sunod nang sunod sa mga kagustuhan natin.

Sa pagkakataong ito, ang aso sa panaginip mo ay si­nisim­bolo mismo ng iyong sa­rili, kumbaga, ikaw at ang aso sa panaginip mo ay iisa.

Bago umiral ang iyong malikhaing imahinasyon na baka maisip mo ay “you are a warewolf” tulad ng sa mga movie, dapat mong malaman na ang asong puti ay nag­lalarawan na may malinis, dalisay at wagas kang per­sonalidad.

Kaya ang bagay sa iyo ayon sa panaginip mo ay isa ring binata o lalaking may malinis, dalisay at wagas na personalidad.

Ang puting aso sa pa­naginip mo ay sinisimbolo rin na ikaw ay mabait, ma­amo, hindi mabangis, ma­pagmahal at nabubuhay sa kaayusan at matinong mo­ralidad.

Kaya ito ang napana­gi­nipan mo dahil ikaw ay bina­balaan ng iyong panaginip na huwag na huwag kang magmamahal ng asong sal­bahe, nangangagat at nabu­buhay sa kaimoralan.

Kaya ang panaginip at ang kanyang kahulugan ay gawin mong gabay sa iyong buhay nang sa gayun ay ma­pabuti ang iyong kapa­laran at ng hindi ka magsisi sa dakong-huli.

Hanggang sa muli, Professor Seigusmundo del Mundo