Alamin mula kay Maestro... SADLAKANG KAPALARAN NG MGA AHAS NGAYONG TAON NG MGA BABOY

Maestro Honorio Ong

KUNG ikaw ay Ahas na isinilang noong 1965, pinaaalalahanan na inga­tan mo ang iyong kalusu­gan sa pamamagitan ng tamang pagkain, regular na ehersisyo at ba­wasan mo na rin ang pag­pupuyat. Tunay ngang ma­raming magaganda at positibong kapalarang da­rating sa iyo ngayong Ta­on ng mga Ba­boy, ngu­nit, maaaring hin­di mo ito lubusang ma-enjoy kung may problema ka sa iyong kalusugan. Kaya kung ma­iiwasan mong magka­sakit mas malalasahan at masasa­rapan ka sa mga suwerte at magagandang kapala­rang darating sa iyo nga­yong 2019.

Kung ikaw ay Ahas na isinilang noong 1977, ang mga mararahas at biglaang pagbabago ngayong 2019 ay hindi dapat isagawa, sa ha­lip, panatilihin mo lang ang mga nasasaiyo na noong na­ka­raang 2018. Halim­bawa sa negosyo, hindi imi­nu­mungkahing mag-invest ka sa panibagong pagka­ka­kitaan, sa halip, ituloy mo lang ang dati mo ng ka­lakal at lalo mo pa itong pagbutihin.

Kung sa pa­kikipagre­lasyon naman, hindi ka dapat maki­pag-cool-off o makipag-break sa iyong karelasyon, sa ha­lip, ang pinaka­epek­tibong estilo hindi lang sa love life kundi sa buhay mo ay “stay put” ka lang muna upang mas magiging mabu­nga at maligaya ang iyong kapala­ran ngayong taon.

Kung ikaw ay Ahas na isinilang noong mga taong 1929 at 1989, higit kang pa­palarin sa mga lu­gar na dati mo nang pinupunta­han, ga­yun­­din sa mga lugar na ma­lapit sa iyong pamilya o mga mahal mo sa buhay at ma­lapit sa nature. Ibig sa­bihin, hindi inirerekomenda ang paglayo sa iyong sinila­ngang bayan, gayundin sa mga ta­ong malapit sa puso mo. Da­hil tulad ng nasabi na, sa pamilya rin at sa mga ma­hal mo sa buhay, mangga­ga­ling ang iyong lakas, maga­gan­dang kapalaran at su­werte ngayong Taon ng mga Ba­boy.

Kung ikaw ay Ahas na isinilang noong mga taong 1941 at 2001, magagara at mga hindi inaasahang pang­yayari ang magaganap. Ha­limbawa, bigla kang kikita o magkakapera ng mala­king halaga ng salapi na hindi mo inaasahan.

Dagdag pa rito, ‘yung kita mo na iyong ma­hahawakan ay ma­aaring ma­ubos at ma­simot din kaagad kung ito ay hindi mo itatago o titipirin. Gayundin sa pag-ibig, pakikipag­ka­ibigan at pakikipagre­lasyon, mas ma­saya at masarap na ugnayan ang bigla o sorpresang ma­gaganap, pero kung hindi mo iingatan ang kakatok o dara­ting na relasyon, ang masa­sayang karanasang ito ay bigla ring mawawala at lili­pas.

Kaya ang pinakama­ha­lagang dapat gawin upang husto kang lumigaya at ta­gumpay ay matuto kang mag­sinop, magmahal at magpa­halaga sa lahat ng mga biyaya at pag­papalang matatanggap mo ngayong 2019.

Kung ikaw ay Ahas na isinilang noong mga taong 1953 at 2013, talino at hindi emosyon ang dapat mong pairalin ngayong 2019. Ma­raming kumplikadong mga bagay ang iyong haharapin, may “ups and downs” na magaganap sa iyong bu­hay, may mga tagumpay din at maseselang pagpapas­yang magaganap. Ang ligaya at tagumpay ay nakasalalay sa iyong talino at sa kahusa­yan mo sa pagpapasya nga­yong Taon ng mga Baboy. Ibig sabihin, iwasan mong mag­pasya ng nakabatay la­mang sa iyong emosyon o dam­damin, hindi ka dapat maging emosyunal. Sa gan­yang pa­raan, dinaragdagan mo ng pantay na katalinuhan at malalim na pagninilay-ni­lay ang iyong buhay, mas ma­titiyak mo ang maligaya at matagumpay na karana­san.

(Itutuloy)