Alamin mula kay Señor... KAALAMAN PARA MAIWASAN ANG MASAMANG DULOT NG TAG-INIT

Sr. Socrates Magnus II

Bigyang-daan natin ang kaalaman tungkol sa mga ritwal na dapat isa­gawa ngayong tag-init para makaiwas sa anu­mang masamang du­lot ng tag-init.

1. Paggising mo maligo ka, gawin mo ito kahit hindi ka pa kumakain.

2. Ang breakfast ay da­pat na may kasamang mga prutas.

3. Maglinis ka ng bahay o ayusin mo ang silid-tulu­gan.

4. Ang mga ginamit sa pagtulog kung matagal ng ginagamit ay ibilad sa araw kung saan tatamaan ito ng sariwang hangin.

5. Maglinis ka rin ng ba­kuran nang sa gayun ang mga tuyong dahon ay iyong ma­sisindihan. Sa mga siyu­dad, bawal ang magsiga o sindi­han ang mga dahon ng ha­laman dahil ang makapal na usok ay hindi magugustuhan ng mga tao sa siyudad, kaya kung magsisiga o magsisindi ka ng mga tuyong dahon, paunti-unti lang.

6. Sa probinsiya, bawal man o hindi, ang mga tuyong dahon ay sinisindihan sa ilalim ng mga punong na­mumunga nang sa gayun ay dumami ang mga bunga.

7. Makabubuti rin na ang usok ay papasok sa loob ng bahay.

8. Dahil bawal ang mag­siga, lalo na sa siyudad, pi­naaalalahanan ang lahat na gumamit ng insenso na gamit sa Simbahan kung saan ang bakuran at loob ng bahay ay pausukan.

9. Dahil ang usok, ma­hirap man paniwalaan, ito ay panlaban sa mga negati­bong elemento na nagkalat sa bahay at bakuran.

10. Gagawin ang pag­sisiga o pagpapausok kahit hindi everyday, puwedeng every other day o twice a day, lalo na sa mga lugar na pinupuntahan ng mga hindi mabubuting nilalang.

11. Ito rin ay epektibo sa bahay o bakuran na ang mga nakatira ay madalas na nagkakasakit.

12. Ipinapayo rin ito sa mga taong ayon sa kanila ay minalas ang kanilang kabu­hayan.

13. Pagkatapos ng pa­usok o pagsisiga, mas ma­ganda na muling maliligo. Kung sakitin ang magsa­sa­gawa, siya ay pinapayuhang maligo sa shower room na sarado.

14. Habang naliligo, isi­pin ang magagandang ba­gay, pangarap at mga layunin sa buhay.

15. Maganda rin na ha­bang naliligo ay isinasagawa ang exhale at inhale kung saan ipinapasok at inilalabas sa katawan ang bagong hangin. Muli, dapat mong ilagay sa iyong isipan ay ang maga­gan­dang bagay.

16. Maganda na ang mga inspirasyon sa buhay ay iisipin habang naliligo.

17. Pagkatapos maligo, inirerekomenda na uminom ng fruit juice. Ito ay bagay na bagay sa mga taong may sakit, mahihina ang loob at duwag na harapin ang ha­mon ng kanilang kapa­laran.

(Itutuloy)