DAHLKE NG HOME FIBR, IMPRESIBO VS. LIFESAVERS

IBAYONG lakas ang ipinakita ni Kendra Dahlke, inakay ang PLDT Home Fibr tungo sa impresibong 25-21, 20-25, 29-27, 13-25, 15-12 na panalo kontra Generika-Ayala sa Philippine Superliga Grand Prix kahapon sa FilOil Flying V Centre.

Tinodo ng hard-hitting former Arizona star ang opensiba sa pagsalang ng Power Hitters sa 2nd round ng prestihiyosong women’s club tourney ng ESPN5 at 5Plus.

Sumalida si Dahlke ng 27 kills, two blocks at ace upang tapusin ang conference best sa 30 points sa bisa rin ng 16 digs para sa Power Hitters, na nagbalik sa winning column na may 3 panalo sa first round sa pitong laro.

Pinuri ni PLDT head coach Roger Gorayeb ang impresibong performance ng player niya lalo na ang makapigil-hiningang 3rd set nang matapatan nila ang lakas at depensa ng Lifesavers.

Matapos na makalamang sa 3rd set at umalagwa ang Power Hitters sa 17-23 cushion at idiretso sa 27-26, pumukol si Dahlke ng 6 puntos sa deciding fifth set at tuldukan sa panalo.

“Kendra was tremendous, especially in the third set. Her offense was truly a big help for us,” ani Gorayeb matapos na itala ang 4th win sa laro. “It’s what we need from her. Good thing she played well today. I think this is her best game so far.”

Masipag din si PLDT import Grace Lazard sa nagawang 18 points, 10 excellent receptions habang sina Aiko Urdas at Shola Alvarez ay may tig-11 at 10 points para sa PLDT.

May 28 excellent sets si setter Jasmine Nabor habang si libero Lizlee Pantone ay may 27 digs at 16 excellent receptions.

Nakapagdeliber si Thai import Kanjana Kuthaisong ng 27 points, kabilang na ang 16 excellent receptions, habang sina Fiola Ceballos at Kseniya Kocyigit at may tig-18 at 17 points para sa Lifesavers na sumagap ng ika-7 talo sa walong laro. (MC/VA)

Laro Bukas: (Filoil Flying V Centre)

2:00 p.m. – PLDT vs Foton

4:15 p.m. - Cignal vs Generika-Ayala

7:00 p.m. – United VC vs F2 Logistics