Malinaw ayon sa birthday… SINGLE MOM NA NAKATAKDANG UMASENSO KAHIT HINDI BALIKAN NG BF

Maestro Honorio Ong

Dear Maestro,

May ka-text ako na naging boyfriend ko. Pagkatapos ay nag­kita kami at nabuntis niya ako, kaya nahinto ako sa pag-aaral. Kaya lang bigla rin siyang na­wala nang malaman niyang buntis ako. Itatanong ko kung babalik pa siya at ano ang nangya­yari sa kanya nga­yon? Umuwi kasi siya sa kanilang pro­binsiya para raw magpa­alam sa mga magu­lang niya at ayusin ang kasal namin, pero hindi na siya bumalik, limang buwan na ang naka­raraan. Gayunman, anong course ang bagay sa akin upang magta­gum­pay at maging maunlad ako? Balak ko kasing bumalik sa pag-aaral pagka­tapos kong manga­nak. November 1, 1997 ang birthday ko.

Umaasa,

Socorro

ng Marulas,

Valenzuela City

Dear Socorro,

Kung balak mong mag-aral muli, hu­wag mo nang intindi­hin kung babalik pa o hindi na ang tatay ng anak mo, ito ay dahil makagugulo lang siya sa iyong pag-aaral.

Sa halip, buong dedikasyon mong itu­tok ang iyong oras at panahon sa iyong anak at sa pag-aaral. Sa ganyang para­an, hindi mo na mu­na iniintindi ang love life at pakikipagrelas­yon sa mga lalaki, mas magtatagumpay at magiging maligaya ka.

Gayunman, kung sadyang atat ka at mabilis kang ma-in love, kung muli kang magbo-boyfriend upang hindi ka na mabigo at iwanan pa ng lalaking iyong ma­ma­halin, isaalang-alang mo ang mga lalaking ka-compati­ble ng zodiac sign mong Scorpio — silang mga isinilang sa zodiac signs na Can­cer, Pisces at Taurus na may mga birth date na 7, 16, 25, 2, 11, 20 at 29, sa pi­ling ng nasabing lalaki, tapat at panghabam­buhay na pag-ibig na ang iyong makakamit.

Samantala, higit na bagay sa iyo ang course na Nursing, Psycho­logy, Educa­tion at Accountancy. Sa na­sabing mga kurso ka makatatapos sa kole­hiyo at mag­kakaroon ng mata­gumpay na career at propesyon kahit sabi­hin pang may anak ka na sa pagkadalaga na nakatakdang mang­yari sa taong 2022, sa edad mong 25 pataas.