Kelot tinodas sa burol

CAPIZ—Isang lalaki ang namatay nang saksakin ng kanyang kaalitan habang nakikipaglamay sa burol ng kanyang yumaong ka-barangay sa bayan ng Tapaz sa lalawigang ito.

Kinilala ang biktima na si Silvestre Frial, residente ng Bgy. Lagdungan sa naturang bayan.

Ayon sa ulat, habang nasa lamay ay nilapitan ng suspek na si Ronnie Palomar ang biktima at agad itong pinagsasaksak.

Dinala ng mga saksi si Frial sa ospital, pero idineklara itong dead-on-arrival, samantalang, nagpalabas na ng manhunt operation ang mga awtoridad para madakip ang suspek.