Alamin mula kay Maestro… MGA TAONG KAILANGANG IWASAN NG MGA DRAGON

Maestro Honorio Ong

Tandaang, ikaw ay ma­pabibilang sa Year of the Dragon kung ikaw ay isini­lang noong mga ta­ong 1928, 1940, 1952, 1964, 1976, 1988, 2000 at 2012.

Kung ikaw ay Dragon na isinilang noong 1964, kaila­ngang maging mapagpasen­siya at matiisin ka ngayong 2019 upang datnan ka ng mas maraming suwerte at maga­gandang kapalaran. Sa pag-ibig, pakikipagrelasyon at pa­kiki­salamuha sa kapwa, hindi ka rin basta-basta dapat magtiwala, lalo na sa pan­la­bas na anyo kundi ang dapat mong matutunang basahin ay ang motibo at laman ng puso ng taong iyong maka­haharap at makakausap upang hindi ka maisahan o mapaglamangan.

Hindi ka rin dapat maki­sakay sa mga bagay na uso at pinag-u­usa­pan, sa halip, susuwertehin ka at magta­tamo ng mas ma­rami pang magagandang ka­palaran kung ngayong Taon ng Ba­boy ay pananati­lihin mo ang makaluma at konser­batibo mong style.

Kung ikaw ay Dragon na isinilang noong 1976, nga­yong 2019, maraming pag­babagong magaganap, pero sa mga pagbabagong ito, anuman ang maging re­sulta, hindi ka dapat magma­dali at mag-alala, sa halip, panatili­hin mo ang dati mong ugali na relaks at hindi atat.

Kapag ganyan ka, tulad ng rumaragasang banayad na alon sa dagat, dadalhin ka ng mga pagbabagong maga­ga­nap sa dalampasigan ng pag-unlad at ligaya. Dagdag pa rito, may babala rin ng intriga at negatibong tsismis para sa iyo ngayong 2019, kaya iwasan mo ang mga taong “toxic” sa buhay mo, lalo na ang mga mabibilis o walang preno kung mag­salita, ang mga taong tsismosa at da­lahira ay dapat mo ring la­yuan. Oo ngayong 2019, hin­di ka dapat dumikit o maki­sama sa kanila upang hindi ka mapahamak.

Kung ikaw ay Dragon na isinilang noong mga taong 1928 at 1988, ngayong 2019, hindi ka dapat makisawsaw sa mga nangyayari sa iyong kapaligiran na wala namang kaugnayan sa iyong negos­yo, career o hanapbuhay, sa halip, mag-concentrate ka lang sa mga ginagawa mo sa kasa­lukuyan at hindi ka da­pat makilahok sa mga bagay na wala namang kaugnayan sa iyong career o sa mga bagay na iyong pinagkakaperahan. Sa ganyang paraan, hindi ka namomolitika at nakikiha­lubilo sa magulong takbo ng lipunan, tuluy-tuloy ang iyong suwerte at magandang ka­palaran ngayong Taon ng mga bulugang Baboy.

Sa pag-ibig, hintay-hin­tay lang dahil ngingiti rin sa buhay mo ang masaya at ma­sarap na ro­man­sa, bago ma­tapos ang taong 2019 na ika­gugulat ng iyong mga labi at masosor­presa ka talaga.

Kung ikaw ay Dragon na isinilang noong mga taong 1940 at 2000, kung noong nakaraang taong 2018 ay hin­di ka makahinga at medyo naguguluhan ka sa mga pang­yayaring naganap, ngayong 2019, parang galing sa ilalim ng dagat, makahihinga ka na nang maluwag na may ma­sarap na pagbubuntung-hini­nga. Sariwang hangin ang iyong malalanghap at mata­tamasa na may hatid na kaka­ibang suwerte at ligaya na may kaugnayan sa pag-ibig, damdamin at materyal na bagay. Marami ring mga big­laang karangalan at pagkilala kang matatanggap at habang sumisikat ka sa sirkulo ng lipunang iyong kinabibila­ngan, may mga lihim at lan­tarang magka­kagusto sa iyo na lalong ikatutuwa at ika­sisigla ng iyong pagkatao at sa san­daling du­mating ang bultu-bultong suwerte na may ka­ugnayan sa materyal na ba­gay, huwag na ‘wag mong kalilimutang mag-ipon dahil ang iipunin mo ngayon ay tiyak na mado­doble at da­rami sa susunod pang mga taon hanggang sa lumago na ang iyong mga kabuhayan at ari-arian.

Kung ikaw ay Dragon na isinilang noong mga taong 1952 at 2012, ngayong 2019 ay maglalalabas ka ng bahay at pilitin mong sumigla at lumakas ang iyong katawan dahil nakasalalay ang iyong suwerte sa pisikal at kundis­yon ng iyong isipan. Ibig sabihin, kapag palagi kang “on-the-go”, masigla at ma­tikas ang iyong panganga­tawan, kasabay naman ni­tong darating ang iba’t ibang suwerte sa iyong buhay.

Ka­pag tumamlay ka na­man, paniguradong tatamlay din ang pasok ng magan­dang ka­palaran sa iyong ka­rana­san. Kapag palagi kang ma­sigla, matikas ang paki­ram­­dam at masaya, may pag-angat ng kabuhayang maga­ganap at dagdag na ligayang pang-emosyunal ang sisilid sa iyong pagkatao ngayong Taon ng mga bu­lugang Ba­boy.

(Itutuloy)