Babala ng experts... KEMIKAL NA MATATAGPUAN SA SOFA, BAD SA HEALTH!

Jersey Sanchez / Gulat ka 'noh?!

SA panahon nga­yon, maraming in­dibidwal ang pini­piling magkaroon ng flame retardant na mga kagamitan dahil bukod sa si­guradong matibay ito ay praktikal din. Pero, knows ba ninyo na ang mga ke­mikal mula rito ay pangmatagalan at may negatibong epek­to sa mga bata? Hala!

Lumabas sa pag-aaral na ang semi-volatile orga­nic compounds (SVOCs) sa mga kagamitan sa ba­hay ay may negatibong epekto sa kalusugan ng mga bata.

Ayon sa mga resear­cher, ang mga batang ex­posed sa gamit, partikular sa sofa na mayroong fire resistant foam ay mayroon umanong toxic chemical sa kanilang dugo at ihi kung saan 15 be­ses itong mataas kumpara sa mga batang hindi exposed sa kemikal.

Ang flame retardant chemical na polybromi­nated diphenyl ethers (PBDEs) ay nakaaapekto umano sa neu­rodevelop­mental delays, gayundin, ito ay maaaring ma­ging san­hi ng obesity, en­do­crine and thyroid disrup­tion, can­cer at iba pang mga sakit.

Gayunman, ilang pag-aaral din ang nagsagawa ng pagsusuri upang mala­man kung paano nakapa­pasok sa dugo ng mga bata ang na­sabing mga kemi­kal.

Ayon sa mga eksperto, ang mga tahanan na may mga kagamitan na fire re­sistant o flame retardant, ga­yundin sa pamilyang may toddlers ay may ma­taas na exposure sa kemi­kal.

Halimbawa ng flame re­tardants na kagamitan ay ang sofa, TV at basahan kung saan ang mga ito ay madalas na kinakapitan ng alikabok.

Ang phthalates ay isang uri ng kemikal na na­ta­tag­puan sa vinyl flooring at car­pet kung saan ayon sa mga eksperto, ito ay na­kaaapekto sa paraan ng fat storing na nagti-trigger ng obesity.

Samantala, isang pag-aaral ang sumuri ng mga sample ng indoor air, dust at foam mula sa mga ka­ga­mitan sa bahay ng bawat bata, gayundin ang hand wipe sample, ihi at dugo ng mga ito.

Sinukat ng mga re­sear­cher ang 44 biomar­kers ng exposure mula sa iba’t ibang kemikal kabi­lang ang phtha­lates, orga­nophosphate es­ters, bro­minated flame re­tardants, parabens, phenols, anti­bacterial agents and per­fluoroalkyl at polyfluo­roalkyl substances (PFAS).

Maliban pa rito, ang mga batang nakatira sa bahay na may vinyl floor­ing ay na­pag-alamang may concentra­tions sa benzyl butyl phtalate me­tabolite sa kanilang ihi kung saan 15 beses itong ma­taas kumpara sa mga ba­tang walang vinyl floor­ing sa kanilang bahay.

Ayon sa mga eksperto, ang benzyl butyl phtalate ay may kaugnayan sa res­pira­tory disorder, skin irri­tations, multiple myeolma at repro­ductive disorders.

Mga mamsh, dehins masama kung magiging praktikal tayo sa pamimili ng mga gamit, ngunit, mas okay kung aalamin nating ma­buti kung saan gawa ang mga bagay na gusto nating bilhin. Mas prakti­kal pa rin kung ang kalusugan ni ba­gets ang una nating iisipin. Copy?