Malinaw ayon sa birthday... BADING NA NAKATAKDANG MAKATULUYAN ANG NILILIGAWANG LALAKI

Maestro Honorio Ong

Dear Maestro,

Ako ay bading at may nililigawan akong lalaki ngayon. Maganda naman ang ipinakikita niya sa akin, kaya feeling ko ay may pag-asa ako sa kanya.

Naisipan kong su­mang­guni sa inyo upang ita­nong kung tama kaya ang kutob ko na may pag­tingin din sa akin ang lala­king nililigawan ko ngayon na isinilang noong October 29, 1990 at November 7, 1990 naman ako?

Umaasa,

Raniell Tala ng Rizal, Laguna

Dear Raniell,

Ayon sa pag-aanalisang Astro-Numerology, magka­tug­ma kayo ng lalaking nili­ligawan mo dahil kapwa kayo nagtataglay ng zodiac sin na Scorpio kung saan dahil parehong Scorpio ang zodiac sign ninyo, kapwa kayo pinaghaharian ng ele­mentong tubig o water sa ruling planet na Mars.

Habang, ayon sa taglay ninyong mga numero, sina­sabing pareho kayong nag­ta­taglay ng weak number na 29 o 2 (ang 29 ay 2+9=11/ 1+1=2) ng nililigawan mong lalaki at 7 naman ang birth date mo na isa ring weak number. Ibig sabihin, walang pag-aalinlangang sa pagsusuring Astro-Nume­rology, tugma talaga kayong dalawa.

Kaya, kung wala naman siyang girlfriend at sabi mo nga ay maganda o positibo naman ang ipinakikita niya sa iyo, ituloy mo lang ang iyong panliligaw dahil po­sib­leng sa bandang huli ay makursunadahan ka rin niya higit lalo kung ang nililiga­wan mong lalaki ay madalas mong mapansing mahilig magsuot ng mga kulay puti, itim at pula.

Ang kulay itim at pula kasi, lalo na kung ito ay ma­dalas isuot na magkakum­binasyon ay nagbabadya ng unconscious immorality kung saan huwag na nating i-deny na sa sandaling nag­karelasyon kayong dalawa at nagmahalan, maliwanag na ang nasabing relasyon ay mapabibilang sa tinatawag na immoral love affair dahil nga kapwa kayo lalaki at sa kasalukuyan ang relasyong same sex ay hindi lubusang tinatanggap sa kulturang kinalakihan sa ating bansa.

Gayunman, kahit na sa­bi­hin pang lihis sa kabuti­hang-asal ang nasabing re­lasyon, ayon sa iyong Love Calendar, hindi matatapos ang taong 2019, sa edad nin­yong 29, tiyak ang maga­ganap, magiging “nobyo” mo na rin sa wakas ang na­sabing lalaki upang habang lumalapit ang kapaskuhan 2019 ay itatala ang pinaka­masayang Pasko sa kasay­sayan ng inyong love life.