Pinahaba na, OA pa… SERYE NINA ECHO, YAM, SAM AT YEN, PINAIIKOT ANG MADLANG PIPOL

Len Ramos Llanes / ISKUP

LATE na kaming natulog the other night as we were waiting for the screening of Halik. Biglang tumawag ang friend naming si France, a teacher of San Isidro Elementary School in Antipolo.

Asked nito, “Nanonood ka ba ng Halik, ate?”

We said yes. Comment ka­agad nito, “‘Di ka ba naiinis kay Jade (Yam Concepcion)? Ang ar­te-arte! ‘Di naman ganyan nu’ng nag-post-partum ako.

“Nilandi niya si Lino (Jericho Rosales), tapos ito pa ang gi­nawa niya, ang ilayo si CJ (ba­by nila) matapos maging mabait sa kanya ito all thro­ugh­out kahit na siya ang may kasalanan sa lahat.

“At tapos ngayon, naglayas na nga, hihingi pa ng tulong kay Ace (Sam Milby). Gusto kong katukin sa ulo ang loka-loka.

“At heto naman si Lino, muk­hang mapa-fall na rin uli kay Jade. Kawawa si Jackie (Yen Santos) na mukhang nai-in love na rin kay Lino. Sana, silang da­lawa na lang ni Daniel Matsu­naga.”

Sabi namin kay France, “Pareho tayong nababaliw sa pagsubaybay sa Halik kahit alam naman nating kat­hang-isip lang ito. Sige, matulog na lang tayo kesa mainis pa lalo sa twist ng story.”