Kailangan daw na baguhin mo ang iyong pagkatao... KATOTOHANAN TUNGKOL SA PAGTATABOY NG KAMALASAN

Sr. Socrates Magnus II

Bigyang-daan natin ngayon ang pagpapatuloy sa kasagutan ng email ni Vangie ng Vangie_Black­beauty@facebook.com

Sa iyo Vangie,

Noong nakaraan ay ibi­nahagi natin kung paano matutukoy ang mga pekeng manghuhula, partikular na ang mga scammer.

Ang pagtutuunan natin ng pansin ngayon ay kung paano mawawala ang mga kamalasan o mga negati­bong puwersa na naghahari sa tao.

Ganito ang sabi, “mali bang ipanganak ang tao kahit siya ay hindi malilig­tas?” Sa biglang tingin, ang nasa itaas ay panrelihiyong katotohanan,pero sa mala­lim na pag-aaral ito ay ma­ibabase sa mismong buhay na nararansan ng tao.

Ganito naman ang sabi ng mga doktor, “mali bang alisin mo ang paninigarilyo kahit hindi ka mawawalan ng ubo?” Dagdag pa, “hu­wag kang uminom ng alak dahil kung hindi mo aalisin ang alak sa buhay mo, iiksi ang buhay mo.”

Ibig sabihin, simple lang ang kailangan ng taong mi­namalas, siya ay dapat nang magbago dahil kung hindi siya magbabago, magpapa­tuloy ang kanyang kamala­san, kumbaga, dapat ang tao ay maging bagong tao.

Dahil dito, Vangie, suriin mo ang buhay mo kung may kailangan ka bang ali­sin dito? Kung may nakita kang mali, magbago ka na. Kung may nakita kang ka­hinaan, alisin mo ang iyong kahinaan. Kung sakaling bigo ka pa rin na magkaroon ng bagong katauhan, narito ang ilang rekomendasyon na may kaugnayan sa na­sabing problema:

1. Kapag minamalas ang tao, kailangang umuwi siya sa bayan na kanyang sinila­ngan.

2. Sa biglang tingin, pa­rang wala naman itong ka­ug­na­yan sa suwerte at ka­mala­san, pero ang naka­ranas na ng mga pangit na buhay ay nagsasabing sila ay umu­wi sa kanilang pro­bin­siya, naka­dama ng kaka­ibang saya at ligaya o parang na­nariwa ang kani­lang ka­pa­laran.

3. Ito mismo, ang nang­yayari sa OFWs na sa ba­wat pag-uwi nila ay naka­darama sila ng bagong sigla at ang lakas nila ay masasa­bing nasa todong-lakas kung saan muli silang magiging handang makipagsapalaran.

4. Paano kung ang tao ay wala namang probinsiya na uuwian? Siya ay dapat na pumunta kung nasaan ang kanyang mga magulang, kapatid, kamag-anak, anak at mga dating kaibigan.

5. Huwag nilang kalili­mutan ang mahiwagang po­wer ng yakap. Subukan mo ito dahil wala namang ma­wawala sa iyo. Ang totoo nga, tulad ng nasabi na, mag­kakaroon ka pa ng bagong lakas at ang kapalaran mo ay mana­na­riwa dahil ikaw ay muling magiging bagong tao. Good luck and God bless!