Pahiwatig na ang mga anak ay magkakaroon ng magandang kinabukasan

Socrates Magnus

Salaminin natin ang panaginip ni Lab ng Lab_ Leiz@facebook.com

Dear Professor,

Ano ang kahulugan ng aking panaginip? Napa­naginipan ko na ang da­lawa kong anak ay nagla­laro sa putikan.

Pagkatapos ay pinali­guan ko silang dalawa at dinala ko sila sa ilog na may dalawang agos, ‘yung isa malinaw at ‘yung isa ay malinaw din, pero ma­raming mga kahoy.

Naghihintay,

Lab

Sa iyo Lab,

Ganito ang sabi , “from the dust, man was made and to dust, man returns!” Ang tao ay nagmula sa lupa at dito rin ito babagsak. Ito mismo ang sinabi ni God tungkol sa tao.

Pero, ang aktuwal na nangyari ay dumakot ng lupa si God at saka binasa ng tubig, kaya ang lupa ay naging putik at nilagyan ni God ng larawan ang lupa na naging putik at ito ay ka­wa­ngis mismo ni God at ng tao.

Sa una, akala ng marami ay simpleng-simple lang ang pagkakalikha sa tao, pero ang totoo, ito ay may malalim na kahulugan na dapat ay maunawaan ng la­hat at ang sinumang maka­uunawa nito ay dapat itong isabuhay.

Nakatutuwa at naka­pag­papaangat ng moral da­hil ang sabi nga ay nilikha ni God ang tao nang naayon sa Kan­yang wangis, kaya lang tu­lad ng nasabi na, kailangan munang maging putik bago makuha ang katotohanang ang Diyos ay ating kawa­ngis.

May ganito ring kasabi­han, “ang daan patungo sa ganap na kaligayahan ay hindi makikita sa malinis, ma­aliwalas at madaling la­rangan na landas ng buhay.”

Ano ang tunay na daan para magkaroon ng tunay na kaligayahan ang tao? Eh, ano pa nga ba kundi sa daan na kabaligtaran ng “malinis, maaliwalas at madaling la­karan.”

Mahirap man mauna­waan at mas lalong mahirap isipin, dapat nating tangga­pin na ang tao ay putik lang.

Paano naman nilikha ang mundo? Ganito ang sabi, “ang simula ay kagu­lu­han na ang naghahari ay kadiliman at ang lahat ay sobrang pangit at walang maganda na kahit na ano.”

Sa ganyang simula, ang “the creation” ay tinatawag ding masterpiece ni God.

Napansin mo ba, iha, na walang maganda sa pana­ginip mo tungkol sa gina­gawa ng anak mo, partikular na ang putik? Tulad ng na­sabi na sa itaas, mahirap maunawaan ang laman ng iyong panaginip, kaya sa­bihin na lang muna natin na sa maniwala ka o hindi, ang panaginip mo ay nagbibigay ng paunang katotohanan sa magiging buhay ng iyong mga anak kung saan ang kanilang buhay ay magiging maganda.

Hanggang sa muli,

Professor Seigusmundo del Mundo