KINGS-PASIG NAKABAWI, KAMPEON SA 3X3 CUP

NAKABAWI ang Grind­house Kings-Pasig sa ka­nilang pagkatalo sa 1Bataan Risers noong nakaraang linggo at nakamit ang kam­peonato sa ikalawang yugto ng Chooks To Go Pilipinas 3X3 President’s Cup sa SM Megamall kahapon.

Ipinasok ni Joshua Mun­zon ang malayong dala­wang puntos sa gitna ng mahigpit na depensa upang wakasan ng maaga ang laro na may 1:27 nalalabi kontra sa kampeon sa unang yugto noong nakaraang linggo, 21-18, at ibulsa ang gantim­pa­lang P100,000.

Binuhos ng Grindhouse ang huling 5 puntos ng laro matapos ibigay ni Anton Asis­tio ang kalamangan sa huling pagkakataon sa ka­may ng mga Risers, 18-17.

Tinabla ni Taylor Stat­ham ang talaan at sinundan ito agad ng agaw para sa isa pang puntos ni Dylan Aba­bou para ilapit ang Grind­house sa kinakailangang 21 puntos, 20-19, at 1:40 sa orasan.

Winalis ng Grindhouse ang kanilang dalawang laro noong elimination round kontra sa Zamboanga Va­lientes, 21-10, at Zark’s Bur­ger-Quezon City, 21-12.

Ngu­nit, malaking ha­mon ang nalampasan nila sa se­mifinals laban sa Vigan Ba­luarte Wolves, 20-19, kung saan isinalba sila ng kani­lang depensa sa huling mi­nuto ng laro.

Sa una, mukhang handa nang maka-dalawang sunod na kampeonato ang Risers sa pinakita nilang talas sa elimination round kontra Bu­lacan Kuyas at Max4 Birada-Cebu na nagtapos sa parehong 21-10 na talaan.

Sa semifinals, winaka­san ng 1Bataan ang kam­panya ng Go For Gold-San Juan Knights, 21-15.

Sa side events, hindi na­depensahan ni Ababou ang kanyang korona sa Three Point Shootout matapos si­yang talunin ni Jan Jamon ng Valenzuela Classic, 6-5.

Lumundag sa dalawang tao si Joe Gomez de Liano upang maging kampeon sa Slam Dunk. Ang susunod na yugto ng President’s Cup ay sa SM Fairview sa Marso 1 (Biyer­nes).

Titingnan kung may ikat­long koponan ang wawasak ng dominasyon ng 1Bataan at Grindhouse, ang nabu­buong magkaribal sa ba­gong tatag na liga ng 3X3.