Kaya dapat daw, eh, Capricorn o Virgo siya, sis! BABAENG SA SANDALING KATUGMA ANG CRUSH NA KAPITBAHA

Maestro Honorio Ong

KATANUNGAN:

1. Nahihiya ako sa tuwing tutuksuhin ako ng mga kaibigan ko dahil hanggang ngayon sa edad kong 38 ay hindi pa rin ako nagkaka-boyfriend.

2. Gusto ko ring ma­kapag-asawa, ang prob­lema wala yata akong su­werte sa love life. Tatlong beses ng may nanligaw sa akin, kaya lang lahat sila ay may asawa na.

3. May crush ako na malapit lang sa amin ang bahay, kaya lang hindi na­man niya ako nililigawan.

4. Maestro, ano ang nakaguhit sa aking mga palad, kinakabahan ako na baka makapag-asawa ako ng lalaking may asawa na?

5. Sana, sabihin ninyo kung ano ang magiging kapalaran ko, lalo na sa love life?

KASAGUTAN

1. Bagama’t, medyo na­huli na ng gumuhit, may na­mataan pa rin namang kaisa-isa at malinaw na Marriage Line (Drawing A. at B. 1-M arrow a.) sa kaliwa at kanan mong palad, kaya huwag kang kabahan at hindi ka dapat panghinaan ng loob.

2. Ang nasabing Mar­riage Line, tulad ng naipali­wanag na ay tanda na hindi ka dapat kabahan kung saan sa edad mong 38 na sa ka­salukuyan, tiyak ang maga­ganap, makapag-aasawa ka pa rin at liligaya, habam­buhay.

3. Ang pag-aanalisang makapag-aasawa ka ng lalaking binata ay madali namang kinumpirma ng maaliwalas at maganda mong lagda, hindi nababoy at hindi rin naburara.

Ibig sabihin, kahit na nag­hahabol ka na sa huling biyahe, ma­sasabi pa ring deep inside ay kam­pante ang iyong inner-self na maka­pag-aasawa ka rin sa tak­dang panahong ini­laan ng kapalaran.

4. Tulad ng nasabi na, ang maganda at okay sa al­right mong lagda ay ma­li­naw na tanda na sa panahon ng pagpili ng tamang lala­king pakikisamahan, hindi ka magkakamali ng pasya sapagkat ang pag-aanalisang binata ang mapapangasawa mo ay madali namang ki­num­pirma ng zodiac sign mong Taurus. Tanda na isang lalaking isinilang sa zodiac sign na Virgo o kaya ay Capricorn ang nakatakda mong makatuluyan at ma­ka­sama sa pagbuo ng isang maligaya at pangha­bam­­buhay na pamilya.

MGA DAPAT GAWIN

1. Mildred, kung ang si­nasabi mong lalaki na crush mo ay kapitbahay ninyo ay Cap­ri­corn o kaya ay Virgo, tiyak ang magaganap, siya na nga ang lalaking itinakda sa iyo ng kapalaran na ma­kakasama mo, habambuhay.

2. Kung hindi naman siya Capricorn o Virgo, ayon sa iyong mga datos, malapit lang din sa inyong lugar ang makatutuluyan mo na ayon sa iyong Love Calendar, na­katakda itong mangyari sa taong 2021, sa buwan ng Mayo hanggang Nobyem­bre, sa edad mong 41 pata­as (Drawing A. at B. 1-M arrow a.).