MGA BOXERS NA PA-SEAG, ILALAHAD NA SA HUNYO

ILALAHAD ang mga pangalan ng boxers na sasabak sa Southeast Asian Games sa Hunyo matapos ang serye ng eliminasyon tampok ang mahigit 20 as­pirants na lahat ay nagha­hangad na makapaglaro sa 11-nation biennial meet na aarangkada sa Nobyembre sa state-of-the-art New Clark City Sports Complex sa Pampanga.

“Masusi naming sasa­lain at hihimayin ang ka­kayanan ng aspirants matapos ang elimination para masiguro ang tagum­pay lalo na rito sa atin ga­gawin ang SEAG. Kaila­ngang panindigan natin na tayo ang mahusay sa bok­sing sa Southeast Asia,” sabi ni head coach Pat Gaspi sa panayam sa kanya. “Very strict kami sa pagpili ng boxers at iyon lang magagaling at may kakayahang manalo ang isasabak namin para ma­panatili ang magandang record sa SEA Games,” wika ng Bicolano veteran coach.

Ilang kinilalang ama­teur boxers na naghatid karangalan sa bansa ay ang nakapilak na si An­thony Villanueva sa Tokyo noong 1964, Mansueto Velasco sa Atlanta noong 1996 at tatlong tanso mula kay Cely Villanueva noong 1932 Los Angeles games, Leopoldo Serrantes 1988 sa Seoul at Roel Velasco noong 1992 Barcelona.

Kasama sa aspirants ang mga veterans na sina Eumer Felix Marcial, Ro­gen Ladon, Mario Fer­nandez, Ian Clark Bautista, Nesty Petecio, Josie Ga­buco, Irish Magno at ang bagito na si Ira Villegas ngTacloban mula sa Leyte Sports Academy.

Ang pinakamagan­dang ipinakita ng boksing sa SEAG ay noong 1991 sa Manila, walong ginto kay Mansueto Velasco, Roberto Jalnaiz, Julito Lo­pez, Elias Recaido, Ray­mond Suico, Victor Vicera at magkapatid na sina Arlo at Ronald Chavez sa dala­wang pilak at tatlong tanso.

Hinigitan ang limang ginto nina Nelson Jamili, Efren Tabanas, Ruben Maris, Alexande Arroyo at Alberto Tejada noong 1981 na unang ginawa sa Pinas.