Lalo na kung medyo nagkakaedad na kayo, lodi! TIPS PARA MAGKAROON NG MAGANDANG RELASYON ANG MAGKAKAP

SABI nila, ang pag­­kakaroon ng ka­patid ang isa sa pina­ka­masaya at nakai­inis na bagay sa mun­do, ‘yung tipong la­hat ng gamit niya ay kanya at ‘yung gamit mo, eh, kanya pa rin, ka­inis!

Gayunman, tulad ng pa­laging sinasabi ng mga ma­gulang natin, mahalin natin ang ating mga kapa­tid dahil bukod sa iisa ang ma­gulang ninyo ay sila rin ‘yung taong pa­lagi nating maaasa­han at hindi tayo matitiis. Ehem!

Well, kung wala ta­yong choice sa kanila, eh, deal with it na lang! Any­way, narito ang ilan sa mga paraan para mas “ma-improve” ang re­lasyon natin sa ating mga kapatid:

1. USE THE PO­WER OF NOSTAL­GIA. Kapag lumaki tayo sa iisang bahay kasama ang kapatid natin, for sure, marami kayong ma­pag-uusapan, lalo na ‘yung childhood memories ninyo.

Pag-usapan natin ‘yung mga bagay na nangyari noon tungkol sa mga ka­tangahan, kalokohan at kung anu-ano pa at sabay natin itong pag­tawanan ngayon, sa pagka­kataong ito, mapapansin na­tin na ayos din palang ­may ka­patid. Okidoki?

2. MAKE A CONS­CIOUS DECISION TO LET GO. Kahit paulit-ulit sabihin ng mga ma­gulang nating pantay-pan­tay ang turing at pag­mamahal nila sa atin, hindi pa rin mawawala ‘yung feeling na mas favorite nina nanay at tatay ‘yung iba nating kapatid kaysa sa atin.

Kesyo panganay, mas kamukha, nag-iisang la­laki o dahil bunso. Isa sa maha­la­gang paraan para mas ma­ging close tayo ng mga ka­patid natin ay ‘yung i-let go na ang ganyang kaisipan, hindi natin sila competitor, kapatid natin sila sa ayaw at sa gusto natin. He-he-he!

3. OFFER YOUR HELP AND SUPPORT ON A REGULAR BA­SIS. Kung kaya nating magbigay ng suporta sa anumang as­peto sa mga kaibi­gan natin, bakit hindi na­tin ‘yun maibigay sa mga kapatid natin?

Well, sabi nga, ang mga magkaka­patid ay dapat nag­tutulungan, wa­lang bilangan dahil hindi ‘yun tama, pero siyempre, ka­pag sila naman ang may pabor, maging ma­pagbi­gay din tayo para patas. Gets?

4. ALWAYS INVITE THEM TO TAKE PART IN YOUR CE­LEBRA­TIONS AND BIG EVENTS. Tandaan, dapat palagi nating kasa­ma ang mga ka­patid natin sa ba­wat okas­yon o ma­haha­lagang pang­yayari sa buhay natin.

Malayo man ang loob natin sa kanila o magka­ka­iba man ang trip ninyo, mabuti pa rin na maging parte sila ng bawat pang­ya­yari sa ating buhay, hin­di lang para sa pakikisama kundi para sa ikasasaya ng mga magulang natin.

5. RESPECT THEIR BOUNDARIES. Isa sa mga dahilan kaya nagka­karoon ng awkwardness ang mga magkakapatid, hindi kasi natin napa­pan­sin na sumu­sobra na tayo sa pakikialam sa buhay nila.

Sa totoo lang, kahit gusto lang nating mai­pa­ramdam na may pakialam tayo o nagke-care tayo sa ka­nila, dapat alam natin ang ating limi­tasyon. Ma­tuto ta­yong mag­bigay ng respeto sa mga ginagawa nila at ka­pag nagkamali at humingi sila ng tulong ay saka na tayo mag­paka-OA sa pa­giging kapa­tid sa kanila.

Lahat tayo ay may kani-kanyang paraan kung paano pakikisamahan ang ating mga kapatid, mayroong BFF ang turingan, mortal enemy at ‘yung iba ay wala talagang pakialam, marahil, depende ito sa pagpapalaki ng ating mga magulang.

Gayuman, ‘ika nga nila, pagbali-baligtarin man natin ang mundo kapatid pa rin natin sila kahit minsan, gusto na natin silang ibenta. Chos! He-he-he!