Kabayo, Baboy, Aso, Tandang, Daga at Tupa... MGA ANIMAL SIGN NA KA-COMPATIBLE NG TIGRE SA PAKIKIPAGR

Maestro Honorio Ong

SA pag-ibig at pakiki­pagrelasyon dahil mas­yadong totoo ang Tigre sa kanyang sarili, kadalasan ay hindi sinasadyang nai­isahan siya ng mga lala­king mapagsamantala. Ibig sabihin, kung ikaw ay babaeng Tigre, mala­mang na bago ka maging mali­gaya sa larangan ng pag-ibig ay maiisahan o ma­­da­­raya ka muna ng mga manlolokong lalaki.

Ang isa pang problema kung minsan ay pabigla-bigla kung umibig ang Tigre, kaya kapag hindi niya naawat ang kanyang sarili, tulad ng nasabi na, maaaring mauwi sa wala ang mga pag­­­kikipagrelas­yong kan­yang mararanasan.

Kaya kung ikaw ay Tig­re, dapat kung iibig ka o mag­mamahal, huwag kang sob­rang tanga, atat at gigil da­hil ang ugali mong ‘yan, ang ti­yak na magpapahamak sa iyo.

Sa halip, hayaan mong maging magkaibigan muna kayo sa simula. Hayaan mong unti-unti kayong mag­kakilalang mabuti, magka­hulugan ng loob kahit na medyo mahabang panahon kayong nagliligawan dahil sa ganyang paraan, hindi mo hinahablot nang mabilis ang pag-ibig at hinayaan mo itong kusang mahinog sa sanga ng pagmamahalan at kapag nagdahan-dahan at unti-unting na-develop, sa ganu’ng sitwasyon lamang makasusumpong ang Tigre ng masarap, maligaya at panghabambuhay na pakiki­pagrelasyon.

Kaya kung balak mong suyuin o ligawan ang Tigre, madali lang upang mapani­wala mo siya at mahulog ng tuluyan ang kanyang loob sa iyo. Ano ang gagawin mo? Simple lang, palagi mo si­yang pansinin, halimbawa, i-like at pusuan mo ang ba­wat post niya sa kanyang wall sa FB o iba’t ibang so­cial media accounts. Sa gan­yang sim­pleng paraan, wa­lang duda, unti-unting gaga­ang ang loob sa iyo ng Tigre hanggang sa tuluyan na si­yang mapama­hal sa iyo at kapag dumating ang san­daling nawala ang likes at puso mo sa post niya, maki­kita mo, bigla ka niyang ma­mi-miss at hahanap-ha­napin hanggang sa hindi na niya mapigil ang kanyang daliri at makikita mo, mag­pi-PM siya sa iyo upang ku­musta­hin ang iyong kalaga­yan.

Ka-compatible ng Tigre ang Kabayong mabilis mag­paikot ng kausap at mam­bola. Gustung-gusto naman ng Tigre ang binobola at inu­uto siya nang pasimple. Si­nasabi ring ang pagsasa­ma ng Kabayo at Tigre ay ta­lagang mapupuno ng kasi­yahan, iba’t ibang gimmick at pagla­lakbay. Maisasabu­hay din ng Tigre at Kabayo sa kanilang masarap na re­lasyon ang tinatawag na “live life to the fullest”.

Ang relasyong Tigre at Baboy ay ayos din dahil ma­ipadarama ng Baboy ang se­guridad na hinahanap ng Tigre sa buhay niya at ma­gi­ging panatag ang kaloo­ban ng Tigre kapag kasama niya ang Baboy.

Ang praktikal, masaya­hin, makuwento at komike­rong Aso ay bagay na bagay din sa malungkutin at ma­pag-isang Tigre. Dagdag pa rito, kahit mahirap intindihin ang ugali ng Tigre, kayang-kayang sakyan ng Aso ang mga kaartehan at kadrama­han sa buhay ng Tigre.

Habang, puwede na ring pagtiyagaan ang relasyong Tigre, Daga, Tandang at Tu­pa o Kambing kung sad­yang naubusan na ng maka­rere­lasyon o mamahalin ang nabo-boring na Tigre.

Hindi naman katugma ng Tigre ang tusong Ahas na palaging pinaghihinalaan ng Tigre na siya ay inuuto, bi­no­bola at nilalamangan la­mang ng nagkukunwaring mabait na Ahas. Gayundin, ang Unggoy ay hindi pupu­wedeng makasama ng Tig­re, lalo na sa mahabang pa­nahon dahil mabibisto ka­agad ng Tigre na sa simula pa lamang ng kanilang ug­nayan ay may plano na si­yang lokohin ng Unggoy.

Ang tahimik, masipag at down-to-earth na Baka ay hindi naman makatatagal sa walang direksiyong buhay ng Tigre habang ang Tigre na­mang nakisama ng mata­gal na panahon sa Baka ay ma­kararanas ng mga pag­durusa, tiisin at kawalang ligaya.

(Itutuloy)