Lalo na kung medyo nagkakasawaan na kayo, besh! TIPS PARA MAIBALIK ANG SPARK SA RELASYON

SA romantikong relasyon, siguradong umaabot sa punto na nawawalan ng koneksiyon ang magdyowa sa isa’t isa da­hil sa iba’t ibang bagay. Dahil dito, ang ibang mag-partner ay nawa­walan na ng pag-asang magkaayos, kaya napupunta sa hiwalayan ang kanilang relas­yon. Hu-hu-hu! Pero no more worries dahil narito na ang mga tip para muli kayong maging feeling connected kay BF o GF:

1. GET RID OF DISTRACTIONS. Hindi lang kapag may importante kayong dapat pag-usapan kundi sa lahat ng pag­ka­kataon, besh! Gayunman, mabuting gawin ang “stop, drop and focus” kung saan dapat mong ihinto ang iyong ginagawa, ila­pag ang iyong cellphone at magbigay ng atensiyon sa tuwing makikipag-usap sa iyo ang iyong partner. Okie?

2. HOLD HANDS. Habang nakikinig ka sa iyong partner o habang nag-uusap kayo, oks din kung hahawakan mo ang kamay niya. Ayon sa mga eksperto, nakatutulong umano ito upang magkaroon nang mas malalim na koneksiyon ang bawat isa. Wow!

3. DO ONE THING AT A TIME. Kung kasama mo ang iyong partner, besh, siguraduhin mong isang bagay lang ang iyong ginagawa nang sa gayun ay ma-en­joy mo ang moment. Halimbawa, kung nagluluto o nag-uusap kayo, mag-focus ka rito. Ba­gama’t, nakasanayan na ng iba ang pagmu-multitask, mabuti rin umano na magbigay ng atensiyon sa bawat bagay na iyong ginagawa.

4. PAY ATTENTION TO THEIR FACIAL EXPRESSION. Bagama’t, natutukoy natin ang emosyon ng indibid­wal sa pamamagitan ng tono ng kanilang pa­­nanalita, posible rin umano itong matu­koy gamit ang facial expressions. Ngunit, may mga pagkakataong hindi natin ito napa­pansin dahil busy tayo sa ibang bagay ha­bang may kausap. ‘Yun lang!

5. SET NEW BOUNDARIES. Min­san, mga beshy, ang mga simpleng gawain ay nakaaapekto sa relasyon, kaya mabuting magkaroon ng boundaries o kaunting rules. Halimbawa nito ay ang hindi paggawa ng trabaho sa bahay o kaya ay paglalaan ng oras sa bawat isa tuwing weekends. Ang simpleng rules na ito ay mayroong malaking impact na makatutulong sa inyo upang mas maging konek­tado kayo ng iyong partner.

6. CREATE NEW HABITS. For sure, may kani-kan­yang habit ang bawat isa kung saan hindi naiiwasang dito naibabaling ang atensiyon at hindi sa kanyang karelasyon. Hmmm… stop ka muna rito lodi at sanaying magkaroon ng habits na mai-involved kayong mag-partner. Halimbawa, pag-eehersisyo, pagha-hiking o pagkukuwentuhan pagkata­pos ng araw ninyo sa trabaho.

7. CUDDLE UP. Ang pagpapakita ng affection sa ibang paraan ay nakatutulong upang maramdaman ng iyong partner ang safety at security sa inyong relasyon. Ang sim­pleng pagyakap sa isa’t isa pagkatapos ng nakapapagod na araw at pagmamasahe bago matulog ay epektibong paraan upang magkaroon kayo nang mas malalim na pagmamaha­lan.

Oh, ayan, mga bro at sis, siguradong mapi-feel na nin­yong muli ang isa’t isa kapag ginawa ninyo ang mga tip na ito. Kaunting tiis lang dahil magiging okay din ang inyong relasyon.

Have a happy relationship!

Copy?