Alamin mula kay Maestro... KAALAMAN TUNGKOL SA KAKAIBANG UGALI NG MGA ISINILANG SA YEAR OF THE TIGER

Maestro Honorio Ong

BUKOD sa likas na masuwerte sa anumang uri ng pakikipagsapa­la­ran, sinasabing ang Tigre ay sobrang optimis­tic sa buhay. Tunay ngang kahit na may mabibigat na prob­lema silang pinagda­raanan ay alam ng Tigre na ang lahat ng ito ay ka­yang-kaya niyang lagpa­san.

Nangyayaring natata­kasan kaagad ng Tigre ang mga problema niya sa buhay na kadalasan ay siya rin na­man ang may gawa.

Ito ay dahil mahilig mag-eksperimento at mag-iba ng diskarte ang Tigre. Halim­bawa, kung ang lahat ay du­maraan sa kanan, ang gusto ng Tigre ay sa kaliwa siya dumaan.

Ibig sabihin, ayaw ng Tigre ang pangkaraniwan o conventional na paraan dahil ang totoo, ang Tigre ay may sariling style, hindi la­mang sa panana­mit o sa pagluluto ng pagkain, bagkus, ang Tigre ay may sariling style na hindi kinopya sa pang­karaniwan, lalo na sa kanilang pagdedesisyon sa buhay, gayundin sa la­rangan ng pag-ibig at pa­mamalakad ng pamilya.

Kaya kapag nakakita ka ng pamilya na iba ang estilo ng mag-anak kung ikukum­para sa mga pangkarani­wang pamilya, siguradong isa sa kanilang magulang ay nagtataglay ng animal sign na Tiger.

Bagama’t, sobrang opti­mista at may sariling dis­karte o style, ang malaking problema ng Tigre ay ga­nito, may mga sandali na hin­di siya makapagdesis­yon, bantulot siyang kumi­los at nag-aalinlangan na hindi niya alam kung bakit siya nagkakaganu’n.

Dahil dito, may mga san­dali na pabugsu-bugso ang kan­yang damdamin, bugnot ang pakiramdam na nagiging sanhi ng kanyang hindi sina­sadyang pagiging marahas.

Ang pagiging marahas ng Tigre ay napagkaka­ma­lang iba lalo na ng kanyang mga kasama at mga taong malalapit sa kanya bilang pagrerebelde sa nakatataas o sa awtoridad.

Pero, hindi na­man niya ito “mean” o sina­sadya, bag­kus, kaya lang niya ito naga­gawa ay da­hil ma­dalas siyang naka­ra­ranas ng pag­kabagot sa bu­­­hay at feeling niya ay da­pat ng baguhin ang lahat ng nangyayari sa kasalu­kuyan.

Kaya kung ikaw ay ma­gulang at mayroon kang anak na Tigre at dumating sa punto ng kanyang buhay ang pagrerebelde, imbes na pagalitan mo siya, ang mas dapat mong gawin ay una­wain siya sa kanyang gina­gawa at anumang pag­re­rebelde ang ginagawa niya, ipaliwanag mo sa kanya na ma­laya niya itong maga­gawa sa pamamagitan ng pag-e-express sa “arts” at iba pang “creative activities”.

Sa ganitong diskarte, ma­iiwasan ang mapanganib na pagrerebelde ng Tigre, sa halip, dahil ang enerhiya sa parerebelde ay magaang na nailipat sa iba’t ibang uri ng likhang-sining, walang duda, ang mga likha, gawa, skill o anumang talento na tina­tag­lay ng Tigre ay sigura­dong kikilalanin at hahanga­an sa lipunang kanyang gi­na­ga­lawan na magdadala sa kan­yang pamilya sa mala­king re­cognition at tagum­pay.

Madalas ding kapag tinatanong mo ang Tigre, hindi siya ‘yung tipo ng mga pangkaraniwang tao na sumasagot lang ng “oo” o “hindi”, bagkus, para sa kanya, boring o walang kuwenta ang ga­nu’ng kasagutan. Kaya mas madalas kapag hini­ngan mo ng opinyon ang Tigre, walang kagatul-gatol ang kan­yang dila, “no com­ment” ang kan­yang ma­gi­ging tugon o kaya ay “ting­n­an natin at susu­bukan ko”!

Dahil para sa Tigre, ang mga bagay na pangkarani­wan at luma na ay walang ka­kuwenta-kuwenta dahil para sa kanya, kung siya lang ang masusu­nod, dapat nang baguhin ang lu­mang siste­ma, palitan na ang lumang daigdig at ngayon pa lang ay magsimula na tayo ng bago, mas maayos, tahimik at mas maligayang mundo para sa susunod pang mga heneras­yon.

(Itutuloy)