2 tulak dedo sa drug-bust

LAGUNA—Dalawang drug pushers ang napatay nang manlaban at makipagbarilan sa pulisya na nagsagawa ng drug-bust operation, kamakalawa sa Bgy. Santiago 2, San Pablo City sa lalawigang ito.

Nakilala ang mga suspek na sina Pastor Barcenas at Miguelito Manalo, kapwa residente sa nasabing lungsod.

Ayon sa ulat, nahalata nina Barcenas at Ma­nalo na mga pulis ang katransaksiyon nila sa drug deal kaya pinagbabaril nila ang mga awtoridad.

Agad namang gumanti ng putok ang pulisya kaya napatay ang dalawang suspek.