Salvage victim natagpuan

ISABELA—Isang bangkay ng lalaki na biktima ng salvage ang natagpuan, kamakalawa sa bakanteng lote sa Bgy. San Felipe, Ilagan City sa lalawigang ito.

Ang biktima ay nakilalang si George Dangpalan, nakatira sa nasabing lalawigan.

Nabatid na ilang residente ang nakatagpo sa bangkay ng biktima na may mga tama ng bala sa naturang lugar.

Patuloy ang imbestigasyon ng mga awtoridad para mabatid ang motibo sa krimen at makilala ang pagkatao ng mga salarin.