Kailangan daw na magkaroon ng harmony ang inyong pamilya... PANINIWALA NA MAKATUTULONG PARA MAGING M

Maestro Honorio Ong

SA 12 animal signs na dumating sa palasyo ni Lord Buddha noong ipi­na­tawag niya ang mga ito sinasabing ang Baka ang pinaka-conservative o ma­kaluma.

Bukod sa makaluma ang estilo ng kanyang pamu­muhay, ang Baka ay pala­ging sumusunod sa padron kung paano siya pinalaki ng kanyang pamilya. ‘Ika nga, “family oriented” ang Baka.

Kaya naman taglay ng Baka ang pagiging masikap at masipag dahil batid ni­yang sa ugaling ito ay mabi­bigyan niya ng magandang kinabukasan ang kanyang pamilya.

Ibig sabihin, sobrang ma­pagmahal at mapagpa­halaga ang mga Baka sa kanyang pamilya, kaya nga­yong 2019, nakade­pende sa kalagayan ng kanyang pa­milya ang magiging kapala­ran ng Baka.

Kung saan kapag ta­himik at may harmony sa kanilang tahanan, pani­gura­dong maraming su­werte at magagandang kapalarang aanihin at makakamit ang Baka ngayong Taon ng mga Baboy.

Subalit, kung magulo ang set-up ng pamilya ng Baka, kumbaga, maraming intriga at problema, ito ang magiging pangunahing da­hi­lan upang hindi lang ang kanilang pagsasama ang pu­mangit kundi magdudulot din ito ng negatibong kapa­la­ran sa Baka ngayong 2019.

Kaya naman ang dapat ga­­win ng Baka upang umun­­lad, lumigaya at suwertehin siya ngayong taon ay ang pa­natilihin ang pagkakasun­du-sundo ng kanyang pa­milya.

Sa kabilang banda, ka­pag nagkaroon ng positi­bong ka­paligiran at may har­mony ang pamilya o ta­ha­nan ang Baka, tulad ng ina­asa­han, marami pang suwer­te at ma­gagandang kapala­ran ang ibubuhos at ipagka­ka­loob sa kanya ng langit.

Samantala, kung ikaw naman ay Baka at nakikita mong magulo at walang harmony sa inyong tahanan, magmadali kang lumayo. Oo, huwag mo lang silang pansinin, sa halip, mag-con­centrate ka sa dati mong gi­nagawa dahil ang kapalaran mo ngayong 2019 ay tulad sa buhay ng magsasaka, “mag­tanim ka lang muna nang magtanim dahil makalipas ang tatlong buwan, makikita mo, aani ka nang aani ng tagumpay at ligaya”.

Ano ang ibig sabihin nito? Simple lang, huwag kang magpapaapekto sa mga negatibong nangya­yari sa inyong tahanan, bag­kus, ituloy mo ang lahat ng bagay na iyong naiisip, ha­lim­bawa sa career ituloy mo lang ang pagpapaunlad nito ha­bang sa negosyo na­man, ituloy mo lang ang iyong mga plano at tuparin mo ang iyong gusto nang sa gayun tulad ng nasabi na, ang ka­palaran mo ngayong taon ay maging masagana at hitik sa bunga.

Kaya kung ‘yung iba, eh, naghihintay ng ulan bago magtanim at nagdidilig pa upang may anihin, ang Baka ay kakaiba sapagkat ang la­ngit ang nagtakdang magka­roon siya ng masagana, ma­saya at maunlad na kapa­laran, gayundin ang kan­yang pamilya.

(Itutuloy)