Alamin mula kay Señor... KAALAMAN TUNGKOL SA RITWAL NG PAG-IBIG

Sr. Socrates Magnus II

Bigyang-daan natin ngayon ang email ni Pinky ng Pinky_Gue­nave @ face­­book.com

Dear Señor,

Gusto kong humingi ng ritwal para sa aking love life dahil tulad ng iba, gus­to ko ring magkaroon ng masa­yang relasyon.

Sana, pagbigyan ninyo ang kahilingan ko.

Naghihintay,

Pinky

Sa iyo Pinky,

Narito ang ipinamana sa amin ng lola ko na “Baul ng Lihim na Kaalaman”:

1. Alamin mo kung ka­ilan ang susunod na full moon.

2. Tatlong araw bago ang full moon, maligo ka. Ang pagligo ay ‘yung tina­tawag na “hard shower” kung saan linisin mo nang todo ang iyong buong ka­tawan.

3. Pagkatapos mong maligo ay maglagay ka ng pa­ba­ngo sa katawan, piliin mo ‘yung paborito mong paba­ngo. Hindi mahalaga kung mamahalin ito dahil wa­lang kinalaman dito ang pera.

4. Tatlong araw mo itong gawin at kapag du­mating na ang full moon, dapat ay nakaligo ka na at mabango.

5. Samantala, dapat mong masilayan ang liwa­nag ng buwan. Hindi maha­laga kung nasaan ka dahil ang mahalaga ay ang tuma­ma sa iyo ang mahiwagang sinag ng kabilugan ng bu­wan.

6. Ibig sabihin, abangan mo ang mismong kabilugan ng buwan at huwag mong kalilimutang tumingala at pagmasdan ang kagandahan nito.

7. Habang pinagma­mas­dan mo ang bilog na buwan, sabihin mo kung ano ang iyong mga kahilingan. Da­pat mong masabi ang lahat ng gusto mong sabihin da­hil mayroon ka lamang pi­tong minuto para masabi ang lahat ng ito.

8. Kaya, ngayon pa lang ay pagpraktisan mo na ang pagsasabi ng mga request mo sa buwan.

9. Kung ang gusto mo ay maayos ang lovelife mo dahil magulo o hindi ka ma­ligaya, ito mismo ang hili­ngin mo.

10. Kung ang gusto mo naman ay bagong love life, ito ang i-request mo.

11. Sa ganitong paraan din hinihiling kung gusto mong dumating na ang iyong soulmate.

12. Ito rin ang pinaka­mabisang ritwal kung pa­ano mapatitino ang part­ner, asawa o karelasyon.

Ang nasa itaas na ritwal ay batay sa mismong sinabi ni God na nakasulat sa Sag­radong Aklat na, “ang bu­wan ay nilikha para mag­bigay ng liwanag sa pana­hon ng kadiliman”.

Sinasabing walang liwa­nag ang buhay ng tao kapag ang kanyang love life ay hin­di masaya.

Kaya si God ang ating pakinggan at muli, ayon kay God, ang buwan ang pang­gagalingan ng ating tunay na kaligayahan sa madilim na bahagi ng ating love life.

Good luck and God bless!