Nag-amok at nagtangkang managa, tiklo

ILOCOS NORTE—Isang lalaking nag-amok at nagtangkang tumaga sa isang laborer ang nadakip ng pulisya, kamakalawa sa Bgy. Bacsil South, Laoag City sa lalawigang ito.

Kinilala ang suspek na si Elector Colobang, nakatira sa nasabing barangay.

Ayon sa ulat, naglalakad si Teddy Runuen patungo sa farm nang biglang sumulpot ang nagwawalang si Colobang na armado ng itak at sa hindi malamang dahilan ay tinangka nitong tagain ang biktima.

Agad humingi ng saklolo sa pulisya si Runuen kaya nadakip ang suspek na nahaharap sa mga kaukulang kaso.