1937, 1949,1961, 1973, 1985, 1997 at 2009... SADLAKANG KAPALARAN NG MGA ISINILANG SA YEAR OF THE OX

Maestro Honorio Ong

SA pagkakataong ito ang pangunahing kata­ngian at sadlakang kapa­laran ng animal sign na Ox o Baka ang ating tata­lakayin.

Tandaang, ikaw ay ma­pabibilang sa Year of the Ox kung isinilang ka noong 1937, 1949, 1961, 1973, 1985, 1997 at 2009.

Ang Year of the Ox ay pinaghaharian ng implu­wen­siya ng planetang Sa­turn at sa Western Astro­logy, siya ang kumakata­wan sa zodiac sign na Capricorn.

Higit na maraming pag­subok ang daranasin ng mga Baka kung sila ay isinilang sa panahon ng taglamig, pero madali naman nila itong maka­kayanan at ma­reresolba.

Sa kabilang banda, ma­gaang at masa­rap ang buhay ng Baka kung siya ay isini­lang sa pana­hon ng tag-araw habang ta­himik naman ang mga Baka na isinilang sa gabi kung ikukumpara sa medyo maingay at agre­si­bong Baka na isinilang sa umaga at tanghaling-tapat.

Sa totoo lang, simple lang ang mga baka, pero umun­lad at umasenso ang nakadisenyong ka­palaran sa kanila.

Bukod sa pagiging ma­sikap at masipag, ka­yang-kaya ng mga Baka na laba­nan at tiisin ang lahat ng pagsubok na du­marating sa kanilang bu­hay nang may katatagan at sigla.

Kumbaga, sa literal na pagkukumpara, kung ikaw ay Baka habang umuulan at bumabagyo sa bukid o kaya naman ay tirik ang init ng araw tu­loy pa rin ang iyong pag-araro, umulan man o bumagyo dahil sadyang ba­lewala sa kanila ang anu­mang external na pangya­yari sa kalikasan dahil ang kanilang tad­hana ay naka­disenyo upang magsipag hang­gang sa tuluyan nang umunlad at yumaman.

Dagdag pa rito, sina­sabi ring ang mga Baka ay mahusay na tumanaw ng utang na loob. Kaya kapag tinu­lungan mo sila, uma­sa kang sobra nilang pa­ha­hal­a­gahan ang na­gawa mong tulong kahit lu­mipas pa ang ma­ha­bang pa­na­hon. Kaya sa sandaling sila na­man ang tumulong sa iyo, doble pa sa naitu­long mo ang ipagka­ka­loob nila sa iyo.

Bukod sa praktikal, tuso at matalino, ang mga Baka ay talaga namang maa­asahan at masisipag. Kaya kung ikaw ay mag­kakaroon ng empleya­dong Baka, si­guradong sa pagsusumikap niya at pagsisipag, madaling uunlad ang inyong ne­gosyo o kumpanya.

Ang ikinaganda pa ng Baka kung sakaling sila ang iyong magiging em­pleyado, hindi sila ma­reklamo at hin­di nila ga­anong pinapansin ang intriga at tsismisan, sa halip, mas nae-enjoy si­lang tumutok sa compu­ter. Nang­yaring ganu’n dahil ang mga Baka ay sadyang gusto nang ta­himik na bu­hay.

Ang mga Baka ay hindi rin mahilig humingi ng tu­long, sa halip, para sa kanila, kung kaya ni­lang mag-isa hangga’t ma­aari ay sila na lang ang ga­gawa.

Sa pana­namit, hindi ga­anong pina­pansin ng Baka ang mga nauuso, sa ha­­lip, may sarili silang style na iba sa kara­mihan.

Dahil dito, hindi sila ga­anong nakikiuso at kung minsan, ang mga Baka ay nasasabihan tu­loy na baduy at konser­batibo.

Samantala, dahil prak­tikal ang mga Baka, sila rin ay may pagka­materyoso, kaya kung minsan ay nasasak­ripisyo nila ang kanilang emos­yon o damdamin dahil para sa kanila, higit na mas mahalaga ang ma­unlad na negosyo at ma­raming salapi kaysa uma­sa sa emosyon o dam­­­damin na madali na­mang naglalaho at lumili­pas.

(Itutuloy)