Malinaw ayon sa palad... MISIS NA NAKATAKDANG BALIKAN NG ASAWA

Maestro Honorio Ong

KATANUNGAN

1. Nagkahiwalay kami ng asawa ko, kaya itata­nong ko kung mag­ka­kabalikan pa kami?

2. Ano ang dapat kong gawin upang ma­pabalik ko siya para sa kapaka­nan ng aming mga anak?

3. Kung hindi na siya babalik, may gu­hit ba sa aking mga palad na ako ay mu­ling makapag-aasawa kahit ngayon ay 46 years old na ako?

KASAGUTAN

1. Bagama’t, da­lawa ang namataang Mar­riage Line (Drawing A. at B. 1-M at 2-M arrow a. at b.) sa ka­liwa at kanan mong palad, kapansin-pansing halos magka­sing­haba ito, pareho ng kapal at halos magkalapit pa ang nasa­bing dala­wang guhit ng Marriage Line (arrow a. at b.).

2. Ibig sabihin, posib­leng ang ikalawang Mar­riage Line (2-M arrow b.) ay ang dati mo ring asawa na pagkatapos mamba­bae at makipaghiwalay sa iyo, sa bandang huli ay magpapasya rin siyang umuwi at bumalik sa in­yong tahanan upang min­san pa ay muli niyang bu­uin ang inyong pamilya.

3. Ang pag-aanali­sang napakalaki pa ng tsansa na kayo ay magkaka­ba­likan ay madali namang kinumpirma ng tugma ninyong zodiac sign na Aquarius at Libra kung saan ang mga ito ay may iisang elementong tina­taglay — ang elemen­tong air o hangin, kaya naman sadyang compa­tible sila.

4. Ibig sabihin, mag­kahiwalay man kayong mag-asawa, darating ang saktong panahon na kayo ay magkakabalikan din na madaling kinumpirma ng birth date mong 3 na compatible sa birth date na 15 o 6 (1+5=6) ng iyong mister kung saan sa san­daling bumalik ang mister mong may birth date na 15 o 6 sa inyong tahanan at humingi siya sa iyo ng sorry, wala kang dapat ga­win kundi ang patawarin at muli siyang tanggapin upang tulad ng nasabi na, darating ang eksaktong panahong muling mabu­buo at magiging maligaya ang inyong pamilya na ka­agad namang kinum­pir­ma at pinatunayan ng ma­ganda at suwabeng-su­wa­beng Heart Line (Dra­wing A. at B. h-h arrow c.) na hindi naputol at wa­lang bilog sa kaliwa at ka­nan mong palad. Tan­da na wala kang gaanong mararanasang kabiguan, kalungkutan at pag-iisa, kaya sa malapit na hina­harap, hindi na mai­iwasan pang muling ma­bubuo at magiging ma­ligaya ang inyong pamilya.

DAPAT GAWIN

Marife, panahon na upang pawiin mo ang iyong kalungkutan sa­pagkat ayon sa iyong mga datos, ngayong 2019, hin­di na magtatagal sa bu­wan ng Marso o kaya ay Abril, itinakda na ng la­ngit ang magaganap, wa­lang anu-ano, biglang u­uwi sa inyong tahanan ang iyong asawang min­sang naligaw ng landas upang humingi sa iyo ng kapa­tawaran at buuing muli ang inyong relasyon na tuluy-tuloy na ngang ha­hantong sa isang masaya at panghabambuhay na pamilya (Drawing A. at B. 1-M at 2-M arrow a. at b.).