Sey ng experts... PAGMUMUMOG NG TUBIG NA MAY ASIN, EPEKTIB NA PANLABAN SA SIPON!

MADALAS na ipi­nanggagamot natin sa sipon ang mga over-the-counter medicine dahil bukod sa mura ito, eh, madali itong bilhin da­hil hindi na kailangan ng reseta mula sa doktor. Pero, mga lodi, knows ba ninyo na dehins na natin kailangang gumastos dahil may home reme­dy nang kayang magpa­ga­ling nito? Hmmm…

Ayon sa pag-aaral, ang sipon ay kayang gamutin sa pa­mamagitan ng home re­medy, partikular ang pagmu­mog ng tubig na may asin.

Ito umano ang ginagamit ng katawan upang mag-pro­duce ng anti-viral bleach. Ang paggamit umano ng nose drops at pagmumumog ng tubig na may asin ay nakatutu­long sa mabilis na pagtanggal ng virus sa loob lamang ng da­lawa hanggang tatlong araw.

Ang naturang pag-aaral ay isinagawa ng mga researcher mula sa Edinburgh and Lothi­ans Viral Intervention Study (ELVIS) sa 54 na mga kalahok na mayroong sipon.

Hinati sa dalawang grupo ang mga kalahok, ngunit, ang unang grupo ay mayroong 34 na katao habang ang ikala­wang grupo ay 20 lamang.

Ang unang grupo ay ina­tasan na maglagay ng tatlong gramo ng cornish sea salt sa isang litro ng kumukulong tubig.

Pagkatapos nito, habang pinalalamig ang tubig, ipina­langhap ito sa mga kalahok nang tatlong beses, gayundin, ipinamumog ang natitirang tubig sa kanila.

Samantala, ang ikalawang grupo ay walang ginawa upang mapabilis ang paggaling ng kanilang karamdaman.

Ayon sa pag-aaral, ang mga kalahok na gumamit ng na­banggit na home remedy ay hin­di na kinailangang bumili ng over-the-counter medica­tions, gayundin, hindi nakaha­hawa ng sakit ang mga ito sa mga taong nakapaligid sa ka­nila, partikular sa mga miyem­bro ng kanilang pamilya.

Gayunman, ayon sa mga eksperto, ang mga cell sa ka­tawan ay gumagamit ng chlo­ride na mayroon ang asin upang mag-produce ng hypo­chlorous acid o HOCI kung saan ito ay aktibong sangkap na matatagpuan sa bleach.

Upang malaman ang mga pagbabago sa nararamdaman ng mga kalahok, gumamit ng daily questionnaire ang mga researcher sa dalawang grupo.

Lumabas sa resulta na ang grupo na gumamit ng salt so­lution ay mas mabilis na gu­maling sa loob lamang ng tat­long araw.

Dagdag pa rito, bumaba umano ng 30 porsiyento ang tsansa na kumalat ang virus sa kanilang katawan at kapa­ligiran.

Pero, payo ng mga eks­perto, kung hindi epektibo sa inyo ang salt solution, mas ma­inam kung kokonsulta kayo sa doktor nang sa gayun ay ma­kasigurado kayo sa dapat nin­yong gawin.

Oh, ayan, mga lodi, kung matagal nang hindi gumaga­ling ang inyong iniindang si­pon, try n’yo na ‘to! Wala na­mang masama kung susubu­kan ninyo dahil kung epektibo naman, eh, di bongga, ‘di ba?

Always take care, mga bes!