Alamin mula kay Señor... KAALAMAN TUNGKOL SA TAMANG EDAD NG PAG-AASAWA

Sr. Socrates Magnus II

Bigyang-daan natin ngayon ang email ni Ronald ng Ronald_The LonelyBoy@facebook. com

Dear Señor,

25 years old na ako, pero wala pa rin akong girlfriend.

Sa totoo lang, nai­ing­git ako sa ibang kalala­kihan, lalo na kapag na­kikita kong may girlfriend sila, tapos, ako wala!

Sana, matulungan ninyo ako. January 2, 1994 ang birthday ko.

Naghihintay,

Ronald

Sa iyo Ronald,

Naku, huwag kang mainggit kapag nakikita mo ang ibang lalaki sa tuwing kasama nila ang kani-kanilang GF dahil hindi naman magtatagal ang kanilang relasyon.

Alam mo, iho, ang pag­mamahalan ng dalawang bata pa ay hindi pangha­bambuhay.

Maaaring hindi ka ma­niwala, pero kung susuriin mo ang kasaysayan ng pag­mamahalan ng dalawang bata, makikitang hindi nila nakatuluyan ang isa’t isa.

Bakit? Dahil sa batas ng kapalaran, bawal mag­mahalan ang dalawang bata pa at dahil ang batas na ito ay puwedeng laba­gin, may makikita kang mga kabataan na maagang nag-asawa.

Oo, puwedeng luma­bag sa anumang batas, pero may parusa at ang pangkaraniwang parusa sa mga nag-asawa nang ma­aga ay “magkakahiwalay sila”, kumbaga, sa huli, ang mananalo ay ang ba­tas ng kapalaran na bawal ang mag-asawa ng bata.

May pagkakataong pi­nipilit pa rin nilang mag­sama dahil sa utos ng kani­lang mga magulang at so­cial status ng pamliya at iba pang dahilan na dapat ay huwag silang maghiwalay.

Sa ganu’ng kalagayan, ano ang hatol ng kapa­la­ran?

Ano pa nga ba? Ma­rami sa mga kabataang ito ang nakagagawa ng kama­lian, halimbawa, may iba silang nagugustuhan.

Nakaiinggit ba ang ganyan, Ronald? Hindi, ‘di ba? Ang totoo nga dahil sa masaklap na katoto­ha­nang nagsasama na sila sa hindi na magandang kala­gayan, silang dalawa ay lihim na nagsasabi sa ka­nilang sarili na “dapat pala ay hindi muna ako nag-asawa”.

Kaya nga kung maba­basa nila ang email mong ito, sure na sure na sila pa ang maiinggit sa iyo.

Dahil dito, ang payo sa iyo ay ligawan mo ang mga babaeng nasa edad 30 pataas dahil sila ang mga handa ng mag-settle down.

Good luck and God bless!