Kaya dapat kayong ma-motivate ngayong taon... MAGAGANDANG KAPALARAN NG MGA ISINILANG NGAYONG YEAR OF

Maestro Honorio Ong

SApagpapatuloy ng ating diskusyon hinggil sa animal sign na Pig, nitong nakaraang mga araw ay tinalakay natin ang kani­lang pangunahing ugali at katangian.

Ngayon naman ay a­analisahin natin kung ano ang magiging kapalaran ng mga Year of the Pig, ngayong 2019.

Mula ika-5 ng Pebrero 2019 hanggang sa ika-24 ng Enero 2020, iiral ang im­pluwensiya ng Earth Pig kung saan taglay ngayong 2019 ang elementong earth o lupa habang likas na ele­mento ng Pig ang water o tubig.

Ibig sabihin, dalawang elemento ang mamamayani ngayong taon. Ang elemen­tong lupa (earth) at ang ele­mentong tubig (wa­ter), kaya ipinapalagay na ang taong ito ay lubhang magi­ging ma­unlad at masa­gana higit lalo sa mga negos­yante at ma­ngangalakal.

Kung isinilang ka sa Taon ng mga Baboy (silang mga isinilang noong 1935/ 1947/ 1959/ 1971/ 1983/ 1995/ 2007/ 2019) at nga­yong taon ay Year of the Pig, sinasabing hindi ka­gan­da­han ang iyong kapala­ran at hindi rin naman kapa­ngi­tan, kumbaga, sakto at ta­mang-tama lang.

Subalit, kung nais mo talagang ma­ging positibo at lalo pang gumanda ang iyong kara­nasan at ang tata­hakin mong kapalaran sa buong taon, inirerekomenda na magsuot ka ng bracelet na kulay pula.

Puwede rin ang kahit na anong kasuotan o alahas na kulay pula sa­pagkat ang mahalaga, ikaw ay palaging mayroong kulay pulang ba­gay sa iyong kata­wan upang tulad ng nasabi na, ang lucky charm na ku­lay pula ang magsisilbing pantaboy mo sa mga negati­bong enerhiya at panghigop sa mga su­werte at maga­gandang ka­palaran.

Sinasabing ngayong taon, ito ang pinakagandang panahon para sa Baboy na mag­nilay-nilay sa mga na­ka­raan niyang plano at pa­ngarap.

Matapos mong pag-ara­lan kung natupad mo ba o hindi ang iyong mga bina­lak noong nakaraang taong 2018, makabubuting ‘yung mga hindi mo natupad ay ba­langkasin mong muli kung ano ang mga nararapat na hakbang upang ngayong 2019 ay higit na mas maging epektibo ang iyong ipatutu­pad na pagkilos.

Samantala, ‘yung mga plano at ambisyon mong na­tupad ay ituloy mo lang ang dating diskarteng ginawa mo at hindi inirerekomen­dang magbago ka ng aksi­yon. Sa halip, kung ano ang dati mong paraan, ‘yun na lang muna ang mas dapat mong pairalin.

Sa ganyang diskarte, hindi ka pabagu-bago ng pa­raan, hindi ka ga­anong nag­mamadali at nanggigigil sa iyong mga plano at pa­nga­rap sa buhay higit na mas magi­ging produktibo ang iyong kapalaran ngayong 2019.

Dagdag pa rito, ang iki­naganda ng taong ito para sa mga isinilang sa Taon ng mga Baboy tulad mo, kung noong nakaraang taong 2018, Year of the Dog ay hin­di masyadong naging pro­duktibo ang buhay mo at hindi ka naging masaya, umasa kang ang kalung­kutan at pagtamlay ng ca­reer mo noong nakaraang taong 2018 ay kaagad na lilipas at mabubura upang ngayong taon basta palagi ka lang magiging maingat, ang lahat ng mga biyaya at liga­yang ipinapangako ng iyong ka­pa­laran ay tuluyan ng ma­pa­sasaiyo.

Gayunman, dahil nga gaganda na nang husto ang magiging ani mo ngayong 2019, sa pag-ibig, pakiki­pagrelasyon at maging sa materyal na bagay, umasa kang maraming hindi tapat na mga kaibigan ang maki­kisawsaw sa iyong tagum­pay at kaligayahan kung saan ito ang dapat mong ingatan.

Ibig sabihin, dapat kang maging mapanuri, kung sino ba ang tunay at tapat mong mga nakasasa­ma upang hin­di ka mapag­samantalahan.

Samantala, kahit na sa­bihin pang may mga taong lihim at lantarang maiinggit sa iyo, magtatangkang man­daya at magsamantala sa iyong kabaitan, sa pangka­la­hatan ay hindi pa rin sila makapananaig nang husto dahil ang langit ay malaon ng nagpasya na dahil sa tag­lay mong kabutihang-loob, pagiging maawain at ma­tulungin sa iyong kapwa, ang mga positibong kata­ngian mong ito, ang popro­tekta sa iyo at magdadala ng dagdag pang kasagana­han, tagumpay at ligaya nga­­yong 2019.