'Di feel gayahin ang mga kapwa artista… HIRIT NI KC: KASAL MUNA BAGO ANAK!

Anj Cabilla / PAK ANG GANAP!

KUNG may mga artista na talaga namang open sa pagkakaroon ng baby bago ang kasal, ipinag­sigawan naman ng aktres na si KC Concep­cion na gusto muna niyang ikasal bago magka-baby.

Nitong Lunes (February 4), nag-post ang aktres sa kanyang social media account ng sweet na sweet na litrato nila ng kanyang French BF na si Pierre Emmanuel Plassart na tila hinahalikan na siya at nilagyan ito ni KC ng caption na: “It sure does feel like February... Happy Valentines month, beautiful people!”

Sa comment section ay may isang netizen na nag-comment at sinabing siguradong magiging maganda raw ang anak nina KC at Pierre Em­manuel.

Sumagot naman si KC na sana ay magkatotoo ang ko­men­to ng netizen, pero nili­naw niyang kasal muna bago magka-baby ang plano niya sa pagbuo ng pamilya.

Aniya, “In Jesus name, Amen haha. Well… Wala pa naman. Kasal kasi first before kids for me.”

Gayunman, aprubado na at excited na excited na si Me­ga­star Sharon Cuneta kung mag­kaka­roon na ng anak ang kan­yang panganay na si KC.