Malinaw ayon sa palad... LALAKING NAKATAKDANG MAKAPAG-ABROAD SA SUSUNOD NA TAONG 2020

Maestro Honorio Ong

KATANUNGAN

1. Nag-a-apply ako sa abroad ngayon at ang bu­ong akala ko ay makaa­alis na ako, pero may mga papeles pa pala akong kulang.

2. Naisipan kong su­mangguni sa inyo, Maes­tro, upang itanong kung pagkatapos kaya ng pag­subok na ito at halimba­wang naayos ko na ‘yung mga kulang kong papeles, may tsansa pa kaya na makapag-abroad ako?

3. Paalis na ‘yung bar­ko na sasakyan ko sa March, kaya kapag hindi ko naihabol ‘yung kulang kong papeles, baka hindi na ako matuloy, maghi­hintay na naman ako ng isang taon.

4. Ano ang kapalaran ko at kailan ako ma­kapa­ngingibang-bansa?

KASAGUTAN

1. Bahagyang pagkaan­tala lamang ang nais sabihin ng Guhit ng Maliit na Had­lang (d-d arrow a.) na medyo krumokes sa maaliwalas, ma­haba at makapal na Tra­vel Line (Drawing A. at B. t-t arrow b.) sa kaliwa at kanan mong palad.

2. Ibig sabihin, Willy, pan­samantala lang ang had­lang sa iyong pag-a-abroad sa kasalukuyan, tulad ng iyong problema, maaayos din ang mga papeles mo upang pagkatapos nito sa susunod na taong 2020, may pangako pa rin ng isang ma­bunga at mabiyayang pangi­ngibang-bansa sa iyo.

3. Ang pag-aanalisang hindi ka dapat labis na ma­lungkot dahil makapag-a-abroad ka naman, pero hindi nga lang ngayon ay madali namang kinumpirma ng iyong lagda na hindi pa mas­yadong maganda at malinaw sa simula at gitnang bahagi, pero nang nasa gitna na ang iyong pagsulat ay tuluy-tu­loy na itong naayos at gu­manda.

4. Ibig sabihin, nasasa­gap na ng unconscious mong isipan na hindi ka pa ngayon makapag-a-abroad kundi sa susunod pang taong 2020 at tulad ng nasabi na, asahan mo na sa panahong ‘yun, ma­raranasan mo na rin sa wakas ang isang mabunga at ma­bi­yayang pangingibang-bansa.

MGA DAPAT GAWIN

1. Tandaang, may pana­hon ang lahat ng bagay, ang sabi nga sa Bibliya sa aklat ng Ecclesiastes 3:1: “For everything there is a sea­son, and a time for every purpose under the heavens.”

2. Habang, ayon sa iyong mga datos, Willy, ti­yak ang magaganap sa first quarter ng taong 2020, sa buwan ng Enero o kaya ay Pebrero, wala ng hadlang da­hil makasasampa ka na sa barko upang tuluyan ng itala sa iyong kapalaran ang isang mabunga at mabiyayang pa­ngingibang-bansa, sa edad mong 32 pataas.