Malinaw ayon sa birthday... BABAENG NAKATAKDANG IKASAL SA KASALUKUYANG BF NGAYONG TAON

Maestro Honorio Ong

Dear Maestro,

Sa darating na Febru­ary 14, Valentine’s Day ay mag­dadalawang taon na ang relasyon namin ng boy­friend ko.

Naisipan kong sumang­guni sa inyo upang itanong kung compatible ba kami? September 30, 1993 ang birthday ko at February 6, 1992 naman ang birthday ng boyfriend ko?

Kami na ba ang mag­ka­katuluyan at kung kami na ang magkakatuluyan, magkakaroon din kaya kami ng maunlad, pangha­bambuhay at masayang pa­milya, balang-araw?

Umaasa,

Aira ng San Jose,

Baras, Rizal

Dear Aira,

Ang zodiac sign mong Libra na pinaghaharian ng elementong hangin ay tunay ngang compatible sa zodiac sign na Aquarius ng boy­friend mo na tulad din ng Libra at Aquarius na pina­ngingibabawan ng elemen­tong hangin o air. Ibig sabi­hin, sa aspetong pang-Wes­tern Astrology, suwetung-suweto talaga ang inyong tadhana.

Gayundin, ang inyong birth date kung saan ang birth date mong 30 o 3 (3+0 =1) ay compatible sa birth date na 6 ng boy­friend mo. Samakatwid, sa pag-aana­lisang pang Astro-Numero­logy, walang duda, compa­tible kayong dalawa at dahil sa nasabing mga pag-aana­lisa, kayo na nga ang mag­kakatuluyan at na­ka­takdang bumuo ng isang maligaya at maunlad na pa­milya, ha­bam­buhay.

Mapalad namang mga kulay ang pula, asul, violet at la­ven­der sa araw ng inyong ka­sal, gayundin sa mga pa­ngunahing gamit sa bahay. Isaalang-alang n’yo rin ang mga petsang 9, 18, 27, 6, 15, 24, 3, 12, 21 at 30, par­tikular sa buwan ng Mayo hang­gang Hunyo at Set­yem­bre hanggang Oktubre para sa panahon ng pagpa­pa­kasal.

Habang, ayon sa Love Calendar, ngayong 2019 hanggang sa 2020, sa mga piling buwan ng Setyembre o kaya ay Disyembre, sa edad mong 26 pataas, tiyak ang magaganap, may simple, pero masayang kasalang ita­tala sa inyong karanasan na hahantong sa isang mali­gaya at panghabambuhay na pagmamahalan.