SON ALSO RISES, CHAMP SA 2019 JAPAN CUP

ITINANGHAL na kampeon ang kabayong Son Also Rises nang biguin ang Lakan matapos pangunahan nito ang 2019 Japan Cup na pakarera ng Philippine Ra­cing Commission (Philracom) sa Metro Manila Turf Club Inc.(MMCI) sa Malvar, Batangas.

Tinapos ang distansiyang 1,400 sa bilis na 1:22.5 ng Son Also Rises kasunod ang kabayong Lakan habang du­mating na pangalo ang Summer Romance at 4th placer ang kabayong si Hiway One.

Hindi naging madaling makuha ang unahan lalo’t napahirapan ang Son Also Rises Lakan. Sa umpisa pa lamang ng karera agad na kinuha ang unang larga ng Lakan habang nakasunod ang Sooner Time sa nangu­ngunang Son Also Rises.

Liyamado ang Pride of Laguna, sumunod ang Son Alson Rises at Entry Number 1 (Summer Romance at Sooner Time) at Lakan. Nag-uwi ng P300,000 ang Son Also Rises at trophy habang P112,500 ang Lakan ay nag-uwi ng P62,500, ang 3rd placer at P25,000 sa 4th placer.

Inihahanda pa sa mga malalaking karera ang Son Also Rises at ito ang unang nagpagwagian ng alaga ni Benjur Abalos Jr.

Samantala, maganda ang ipinakitang laban ng Wiling Willie, sa Race 1 ng biguin ang Entry number 5 at King Curry sa Race 2 habang binigo ng kabayong Tanforan ang super LLamadong si Baisakhi.