Babala ni Maestro para iwas-disgrasya... MGA KATANGIAN AT UGALI NG MGA IPINANGANAK SA YEAR OF THE PI

Maestro Honorio Ong

SA pagkakataong ito, sa pagpapatuloy ng espes­yal na isyu para sa Year of the Pig ngayong Chinese New Year, aala­min natin ngayon ang mga panguna­hing ugali at magiging ka­palaran ngayong 2019 ng mga indibidwal na isi­ni­lang sa animal sign na Pig.

Tandaang, ikaw ay ma­pa­bibilang sa Year of the Pig, kung isinilang ka sa mga ta­ong 1935, 1947, 1959, 1971, 1983, 1995, 2007 at 2019.

Tulad ng naipaliwanag na nitong mga nagdaang araw, ang Year of the Pig ay naiimpluwensiyahan ng pla­netang Mars at sa Wes­tern Astrology, ito ay kumakata­wan sa zodiac sign na Scor­pio, kaya nga­yong 2019, wa­lang duda, ang mga taong isinilang sa zodiac sign na Scorpio, ga­yundin ang mga taong ka-compatible ng Scor­pio tu­lad ng Pisces at Cancer, Tau­rus at Virgo ay sigura­dong magtatamo ng ma­raming suwerte at maga­gandang kapalaran sa bu­ong taon.

Sinasabing kung ikaw ay Year of the Pig na isini­lang sa panahon ng tag-araw, may tendency na ma­lulong ka sa mga bisyo, sa katakawan at sa ibang la­yaw ng katawan, kum­baga, maa­aring mawalan ka ng disip­lina at kontrol sa iyong sarili, kaya may tendency na mara­nasan mo ang lahat ng uri ng “ex­cess” na nangangahu­lu­­gang aabusuhin mo ang iyong sarili at katawan sa ma­raming mga bagay.

Kung ikaw naman ay isinilang sa panahon ng tag­­lamig, maraming maga­gan­dang kapalaran ang inire­serba sa iyo ng langit, ngunit, dahil sa iyong ba­hagyang ka­tamaran at ka­bagalan, ‘yung mga maga­gandang oportu­ni­dad na dapat sana ay ini­laan para sa iyo ay maaaring ma­kalagpas pa, kaya sa ba­wat oportu­nidad na du­ma­ra­ting sa iyong buhay, dapat ay sung­gaban mo ito kaagad.

Sabi nga, “nice guys fi­nish last, and the Chinese calendar ends with the sign of the Boar”, ibig sabihin, dahil ang Year of the Pig ang pinakahuling taon sa 12 Chi­nese animal signs, sigura­dong ang indibid­wal na na­pa­bibilang dito ay mahusay, tapat, simple at matikas.

Bukod pa sa masayang kasama at natural ang ugali, sinasabing may pagka-hap­py-go-lucky din ang mga Year of the Pig, kaya ka­pag hindi natutong mag-ipon ay maa­aring mawala ang ma­gan­dang kapalaran.

Dagdag pa rito, sina­sabi ring mga popular at kiniki­lala sa lipunang kani­lang gi­nagalawan ang mga Year of the Pig, gayundin, likas si­lang palabiro at ma­sayang ka­sa­ma, dahil du’n, madalas si­lang naloloko at napapaha­mak.

Kaya kung napabibi­lang ka sa Year of the Pig, dapat ingatan mo rin ang iyong sa­rili sa mga “ex­cess” ng bu­hay upang hin­di ka mapaha­mak at si­yempre, kailangang ma­tuto ka ring makiramdam para hindi ka samantalahin ng iyong mga kaibigan at mga nakakasama.

(Itutuloy)