Karpintero timbog sa shabu

ILOCOS NORTE—Isang karpintero ang dinakip ng pulisya nang makumpiskahan ng shabu, kamakalawa sa Bgy. Darasdas, Solsona sa lalawigang ito.

Ang suspek ay kinilalang si Jackson Baragay, residente ng nabanggit na barangay.

Ayon sa ulat, nakakumpiska ang mga awtoridad ng isang sachet ng shabu at P500 markadong pera sa pag-iingat ng suspek.

Nakapiit na ang suspek na nahaharap sa kasong paglabag sa Dangerous Drugs Act of 2002.