Rider nilikida ng riding-in-tandem
Pabs Hernandez III
Feb 1, 2019
1 min read
NORTH COTABATO—Isang rider ang pinagbabaril hanggang sa mapatay ng riding-in-tandem, kamakalawa sa Bgy. Poblacion, Kabacan sa lalawigang ito.
Ang biktima ay nakilalang si Sidik Mantapid, nakatira sa Pagalungan, Maguindanao.
Nabatid na nakasakay sa motorsiklo si Mantapid nang dikitan ito ng dalawang hindi kilalang lalaki na nakasakay din sa motorsiklo at agad pinagbabaril ang biktima.
Iniimbestigahan na ng pulisya ang motibo ng mga suspek sa pamamaslang sa biktima.
Comments