Di pa umaamin pero… JAKE AT KYLIE, LANTARAN NA ANG RELASYON

Nitz Miralles / BIDA

WALA pa mang inaamin sina Jake Cuenca at Kylie Verzosa na sila ang bagong showbiz couple, marami na agad ang pabor kung magkakarelasyon ang dalawa. O baka nga, may relasyon na sila?

Nag-post ng picture nila ni Kylie si Jake at tila nasa department store sila at doon pa lang, marami nang friends nila ang kinilig. May nagtanong kay Jake kung GF na niya si Kylie, pero hindi sumagot ang aktor.

Bukod sa department store, may ibang sightings na rin kina Jake at Kylie, patunay na matagal na silang nagkikita.

Kilala si Jake na hindi naglilihim sa nagiging GF niya, kaya hintayin na lang natin ang pag-amin nila ni Kylie kung anuman ang relasyon nilang dalawa.