Ama dedo, anak sugatan sa aksidente

TUGUEGARAO CITY—Isang ama ang namatay at sugatan naman ang anak nito nang aksidenteng bumangga, kamakalawa ang kinalululanan nilang motorsiklo sa drum sa ginagawang gasoline station sa national highway ng lungsod na ito.

Nakilala ang nasawi na si Alfredo Castro, Sr., 65-anyos, samantalang, ang sugatan ay ang anak nitong si Alfredo Castro, Jr., 35-anyos, kapwa residente sa lalawigan ng Cagayan.

Ayon sa ulat, nawalan ng kontrol sa pagmamaneho si Alfredo Sr. habang angkas ang anak kaya bumangga ang sinasakyan nilang motorsiklo sa drum.

Dinala pa ng mga saksi ang mag-ama sa ospital, pero idineklarang dead-on-arrival si Alfredo, Sr.