Malinaw ayon sa birthday...BABAENG NAKATAKDANG MAKAPASA SA BOARD EXAM AT MAKAPAGTURO SA PAMPUBLIKONG

Maestro Honorio Ong

Dear Maestro,

Tapos ako ng kur­song Education at ka­salukuyang nagtuturo sa private school. Hindi pa ako pasado sa Board exam, kaya nagtitiyaga muna ako rito.

Balak kong kumuha ng Board exam sa pagi­ging guro sa susunod na taong 2020 dahil ma­tagal ko ng pangarap o plano sa buhay na maka­pagturo sa public school, mas malaki kasi ang su­weldo sa public school at mas maraming bene­pisyo.

Itatanong ko lang kung anong buwan ako suwerte para kumuha ng Board exam sa taong 2020 para makapasa na ako?

Kumuha na ako dati, kaya lang, hindi ako na­kapasa. Gusto kong ma­laman ang mga ma­su­suwerte kong numero para kapag tumama ako ng jackpot sa lotto ay mag­tatayo na lang ako ng sarili kong school na isa rin sa mga pangarap ko. December 2, 1993 ang birthday ko.

Umaasa,

Arlene ng Bagong Silang, Calauag, Quezon

Dear Arlene,

Ayon sa birthday mong December 2, 1993, ang pinakamapalad mong buwan para kumuha ng Board exam sa susunod na taong 2020 ay mula sa buwan ng Hulyo hang­gang Agosto, mula sa bu­wan ng Abril hanggang Marso at mula sa buwan ng Nobyembre hang­gang Disyembre higit lalo sa mga piling petsang 7, 16, 25, 1, 10, 19, 28, 4, 13, 22 at 31.

Sa pagkuha ng Board exam, upang matiyak mo na makapapasa ka, mag­suot ka ng kulay dilaw kung halimbawang nata­pat ang pagsusulit sa mga petsang 1, 10, 19, 28, 4, 13, 22, 31, 2, 11, 20, 29, 7, 16 at 25. Kung sawa ka na sa dilaw, puwede mo ring ipamalit ang kulay berde.

Habang pula naman ang isuot mong kulay ng damit kung ang pagsu­sulit ay natapat sa mga petsang 3, 12, 21, 30, 6, 15, 24, 9, 18 at 27. Kung sawa ka na sa pula, puwede mong ipalit ang kulay lilac o kaya ay asul.

Ang nasabing mga petsa ay siya ring mapa­lad mong numero kung saan ang mga numerong ito ay ang mga numerong may sumatutal na 7, 1 at 4, gayundin ang nume­rong 8. Maaari mo ring subu­kan ang 1, 17, 23, 28, 34 at 40, gayundin ang mga numerong 6, 17, 22, 31, 40 at 41.

Upang masapol mo ang malaking panalo sa anumang uri ng pakiki­pagsapalaran, maghanap ka ng lotto outlet na may napakahabang pila.

Sa nasabing lotto outlet, du’n ka tatama ng napaka­la­king halaga.

Ayon sa iyong Career Calendar, Arlene, kung kukuha ka ng Licensure Examination for Teachers, sa susunod na taong 2020, tulad ng nasabi na at inaasahan, basta sun­din mo lang ang mga sim­pleng rekomen­dasyong iminungkahi na sa itaas, tiyak ang magaganap, sa nasabing panahon sa edad mong 27 pataas, wa­lang duda, makapapasa ka at magiging ganap at lisensiyadong guro ka na at ka­sabay nito, matutu­pad na rin ang malaon mo nang pangarap na maka­pag­­turo sa pam­pub­li­kong eskuwelahan at mag­­ka­roon ng mas ma­raming benepisyo at ma­laking suweldo.