Manila Zoo, apektado sa isyu ng polusyon sa Manila Bay?! Hmmm...

MS. KORINA SANCHEZ / ISYUNG 'K'

IPINASARA pansaman­tala ang Manila Zoo dahil sa isyu ng polus­yon ng Manila Bay. Ang mga itina­tapong tubig ng zoo ay pumupunta umano sa estero na tumutuloy naman sa Manila Bay. Mayroong kampanya na linisin ang Manila Bay matapos magpa­hayag ni Pangu­long Rodrigo Duterte na napakarumi na ng karagatang ito. Ang plano ay lagyan ng dalawang water treatment na planta ang zoo para hindi na ito ­ma­ka­pagtapon ng ma­ru­ming tubig sa estero na lilinisin na rin ng gobyerno.

Wala namang prob­le­ma sa pansamanta­lang pagpapasara sa zoo. Ang sa atin lang, sana, hindi mapababa­yaan ang mga hayop. Noong 1959, nang magbukas ang Manila Zoo. Ang pinaka­sikat na residente rito ay si Mali, ang Asian elephant. Mahigit 40 years old na si Mali. Ang pagkakakilala nga sa kanya ay “ang pina­kamalungkot na elepan­te sa buong mundo” dahil wala itong kasa­ma. Gayunman, sana, ha­bang sarado ang zoo, ipatupad na ang planong rehabilitasyon nito sa halagang isa’t kala­hating bilyong piso. Nagbi­bigay ng kasi­yahan ang mga hayop sa maraming tao, kaya sana ay naibi­bigay din ang tamang pangangalaga para sa kanila.

◘◘◘

Bumigay din ang Mababang Kapulungan, hindi na 9 yrs. old ang pananagutan para sa kriminalidad kundi 12-anyos na. Dahil sa rami at lakas ng opo­sisyon sa edad na 9, na ang tingin ng marami ay masyadong bata pa para makilalang kriminal ng lipunan kaya sumang-ayon sa edad na labin­dalawa. Kung masang­kot man ang bata sa kriminal na gawain, dapat idaan ito sa pagpa­payo at rehabili­tasyon.

May mga tutol pa rin sa edad na ito, pero mukhang ipapasa ito ng Kongreso. May ilang bersiyon din ang Sena­do, pero parehong 12-anyos ng pananagutan. Minsan, mapaiisip tayo kung ano na ang nang­yayari sa lipunan at kailangang ibaba ang edad ng pananagutan.