Kung puro iyak at kalungkutan ang naramdaman mo last year, lodi! TIPS PARA MAGING MASAYA NGAYONG 201

LAHAT tayo, eh, walang ibang hinihiling kundi gumising sa umaga nang totoong mali­gaya at walang itinatagong ka­lung­kutan, ‘di ba? Kaya mga lodi, ngayong taon, iwasan na natin ang paggawa ng mga ba­gay na nagiging dahilan para malungkot tayo. Paano nga ba ma­giging masaya? Dehins n‘yo na kailangan mag-worry dahil narito na ang ilang paraan para maging masaya:

1. SET YOUR MIND ON BEING HAPPY. Ayon sa mga eksperto, ang pagiging masaya ay hindi tungkol sa kung ano ang mayroon ka o kung ano ang nangyari sa iyo nu’ng mga nakara­ang araw, bagkus, ang pagiging masaya ay choice kung saan ang paraan para maging masaya ay ang pagsubok na nalagpasan natin. Okie?

2. DO SOMETHING FOR SOME­ONE. May mga taong ang paggi-give back sa ibang tao ang ginagawang pa­raan upang lalo silang sumaya. Ayon sa ilang pag-aaral, ang paggawa ng mabu­buting bagay sa ibang tao ang pinaka­ma­bisang paraan upang maging masaya. Hindi kailangang maging bongga, kahit ang simpleng pagpapaupo sa mga naka­tatanda at buntis sa bus o pampublikong transportasyon ay oks na.

3. CALL A FRIEND. Ang tao ay ki­lala bilang pro-social beings kung saan ang pagkakaroon ng genuine at mea­ning­ful na pagkakaibigan ay kailangan para maging masaya. Gayunman, inire­rekomenda ng mga eksperto ang pakiki­pag-usap sa inyong mga kaibigan o kapamilya kahit kaunting oras lamang kada araw nang sa gayun ay manatili ka­yong konektado sa isa’t isa.

4. LOOK BACK AND FOR­­WARD. Siguradong mayroong mga pangyayari sa ating buhay na hindi ma­ganda kaya pinagsisisihan natin ito, ngunit, ayon sa pag-aaral, ang pagpo­pokus sa maga­gan­­dang alaala ay magandang pa­raan para makuntento tayo sa buhay. ‘Ika nga nila, gamitin nating inspirasyon ang mga bagay kung saan tayo nabigo nang sa ga­yun ay mas maging mabuti pa ta­yong mamamayan. Ganern!

5. SAVOR THE MOMENT. Ang pagdama sa moment ay nakatutu­long upang ma-appreciate natin ang mga bagay na mayroon tayo sa ka­salukuyan. ‘Ika nga nila, “don’t miss the flowers in the garden” kung saan ang quote na ito ay nag­sa­sabing, huwag nating kali­limu­tan ang maliliit na bagay na may­roon tayo dahil mayroon itong halaga. Copy?

6. CHOOSE TIME OVER STUFF. Dahil tumatanda na tayo, mas kaunti na lamang ang oras na mayroon tayo para sa ibang ba­gay, gayundin, mas naa-appre­ciate natin ang oras kaysa sa mga ma­ter­yal na bagay. Ayon sa mga eksper­to, ang paglalaan ng oras sa mga mahal sa buhay, partikular sa iyong pamilya ay isa sa mga magagandang paraan upang maging tunay na maligaya. Kaya mga lodi, i-set n‘yo na ang date kasama ang inyong pamilya.

7. DO WHAT YOU BELIEVE IN. Ayon sa pag-aaral, ang paggawa ng mga bagay na gusto talagang gawin ng indi­bidwal ay paraan upang maging ‘ge­nuinely happy’. Kabilang na rito ang pag­sali sa mga organisasyon na may kinalaman sa pagbo-volunteer sa mga Simbahan, bahay-ampunan at animal shelter.

8. SEEK OUT GOOD NEWS. Natural na mga negatibong bagay ang una nating makikita sa TV tuwing umaga kung saan nase-set sa negatibo ang mood ng indibidwal, ngunit, posible pa ring mabago ito kapag positibong balita ang mapanonood natin. Subalit, mga beshy, puwede rin tayong pumunta sa mga website na nakapagbibigay ng good vibes. Ha-ha-ha!

‘Ika nga nila, hindi masamang ma­ging masaya kung wala kang tinatapa­kang iba. Kaya mga bro at sis, sundin n‘yo lamang ang mga tip na ito nang sa gayun ay maging mabuti at masayang indibidwal tayo.

Gets mo?