Bago pa kalakihan ang pagpatay, pagnanakaw o iligal na droga | Edad 9 na sangkot sa krimen, isalba!

RYAN B. SISON / BOSES

APRUB na sa komite sa Kamara ang panukalang-batas hinggil sa pagpapababa ng age of criminal liability kung saan mula sa kasalukuyang edad na 15 ay ibinaba sa siyam ang edad ng mga batang maa­aring makulong sakaling makagawa sila ng bagay na may pananagutan sa batas.

Matatandaang, noong nakaraang taon ay sunud-sunod ang kaso hinggil sa pag­patay, pagnanakaw, droga at marami pang iba na kinasangkutan ng mga me­nor-de-edad kung saan umabot ito ng higit sa 5,000.

Gayunman, ayon kay Oriental Min­doro Rep. Salvador “Doy” Leachon, gi­nawa umano ng Kongreso ang nasabing batas upang mapangalagaan ang mga bata base sa 1987 Constitution.

Sa totoo lang, marami pa rin ang nag­sasabi na kung kaya pang idaan sa ta­mang disiplina ang mga batang naligaw ng landas ay gawin, pero kung ating oob­serbahan kahit anong pagdidisplina ng kanilang mga magulang kung talagang naimpluwensiyahan na ang kanilang mga anak ng masasama ang loob, marahil, kailangan na talagang aksiyunan ito ng mga kinauukulan at gumamit na ng legal na pamamaraan.

Dagdag pa rito, makatutulong din ang nasabing batas laban sa mga sindikato na gumagamit ng mga bata para sa ka­nilang mga iligal na aktibidad.

Base umano sa mga imbestigasyon, ka­ramihan sa mga sindikato ay gumaga­mit ng mga bata dahil alam nilang ligtas ang mga ito sa criminal liability kung sakaling mahuhuli ng kapulisan.

Sa ngayon, marami ang sumasang-ayon, ngunit, nasa gobyerno pa rin kung tuloy na tuloy na ang pagpapatupad nito.

Hiling natin na sana ay maging ma­ayos ang pagdinig na gagawin sa Senado ngayong araw upang hangga’t maaga pa, eh, masolusyunan na ang problema hing­gil sa mga kabataan na sinasabing “pag-asa ng bayan”!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.