Para sa mga palaging nakatambay sa bahay diyan, read n‘yo ‘to! TIPS PARA MAGING AKTIBO SA OUTDOOR AC

SA mga nagdaang taon, ti­yak na marami sa atin ang mada­las na nasa loob ng ba­hay, opisina, paaralan at mall. Ngunit, nga­yong taon, bakit hindi natin subukang maging aktibo? Kaya mga beshy, na­rito ang ilang paraan upang maging aktibo tayo sa out­door activities kung saan ma­pahaha­lagahan natin ang ating kalika­san:

1. TRY NATURE-BASED ACTIVI­TIES. Marami kang maaaring matutunan sa pagsubok nito, lodi! Kabilang dito ang orien­teering kung saan isa itong sport na tila pinaghalong racing at navigation.

Matututo ka ng ilang life skills tulad ng tamang pag­gamit ng compass at maglak­bay sa mga lugar na hindi pamilyar sa‘yo. Bukod sa nakate-train ito ng pisikal na kapasidad ng indibid­wal, thrilling din ito. Kaya sa mga mahihilig sa adventure r’yan, alam n‘yo na, ha?

2. JOIN OUTDOOR CLUBS. Pa­rami nang parami ang mga grupo na nag­sasagawa ng outdoor activities tulad ng pagha-hike, fun run at iba pang uri ng ma­rathon.

Magandang oportunidad ito upang makakilala ka ng mga bagong tao at mag­karoon ka ng mga bagong experience. Tama na muna ang pag-i-scroll sa social media, lodi, ngayong medyo tumatanda na tayo, eh, mas mabuting konektado tayo sa out­side world kaysa sa digital world. Gets mo?

3. LOOK FOR ACCIDENTAL NA­TURE. Dahil sa pagiging hectic ng sche­dule ng karamihan sa trabaho at eskuwela, ma­dalas na lamang silang nasa loob ng opi­sina at kung minsan ay wala nang ibang na­kikita kundi ang napaka-busy na siyudad at mga kalsada.

Kaya mga beshy, kung nagko-commute kayo papunta at pauwi mula sa opisina o paaralan, why not na subu­kan ninyong pu­mu­westo sa lugar kung saan may malapit na bintana? Sa ganitong paraan, tiyak na ma­ka­tatanaw kayo ng ilang puno, mga ibon at kung minsan ay sunset. Ma­halagang masi­layan natin ang nature kahit sandali lamang dahil nakatutulong ito sa pagpapakalma sa atin.

4. VISIT LOCAL PARKS. Kailan ka huling bumisita sa mga parke na malapit sa inyong lugar? Hmmm… Kung medyo ma­tagal na, lodi, bakit hindi mo subukang pumasyal doon tuwing umaga? Kung wala kang oras sa umaga, eh, ‘di kapag day-off mo o weekend, ‘di ba?

Sa simpleng pagbisita roon, maaaring bumalik sa iyong alaala ang iyong pagkabata kung saan doon kayo madalas maglaro ng mga kapatid o kaibigan mo. Ang saya, ‘di ba? Puwede kang mag­lakad-lakad at mag-exercise roon o kaya naman ay magmuni-muni. Copy?

5. TRY GARDENING. Ngayong 2019, hindi na tayo dapat nagtatanim ng sama ng loob dahil bukod sa wala itong naidudulot na ma­ganda sa mental health natin, nakasisira rin ito ng mga pi­nagsama­han. Kaya mga bro at sis, try na ninyong magtanim ng mga halaman.

Bakit? Ayon sa mga eksperto, sa tuwing nakakikita tayo ng kulay berde, napa­kakalma nito ang ating isipan, gayun­din, maganda ito sa pa­ningin. Kaya para sa mga mamshie r’yan, gawin ninyong bonding ito nina bagets nang sa gayun ay matutunan nila ang tamang pangangalaga sa kalikasan na kanilang mapakikina­bangan pagdating ng panahon.

6. ACCESS NATURE WHEN TRAVELLING. For sure, marami r’yan ang magta-travel ngayong taon, kaya mga lodi, bago ninyo bisitahin ang magagandang siyudad, ma­buting puntahan n’yo ang mga lugar na bida ang nature.

Sa ganitong paraan, mas maa-appreciate ninyo ang na­tural na ganda ng kapaligiran at siguradong epektibo itong paraan ng pag-a-unwind sa nakai-stress na buhay sa siyudad. Oks ba ‘yun? He-he-he!

Sana ay may nagustuhan kayong paraan kung paano magiging aktibo sa outside world at mas mapahahalagahan ang kalikasan hangga’t kaya pa natin itong puntahan. Kaya mga lodi, huwag na kayong magpatumpik-tumpik pa at simulan n‘yo na ang pagpaplano kung paano ninyo sisimulan ang mga ito.

Copy?