Aktres, haping-hapi nu'ng Pasko… JENNYLYN AT TUNAY NA MADIR, NAGKABATI NA
Nitz Miralles / BIDA
NAGKAAYOS na pala si Jennylyn Mercado at ang kanyang biological mom na umuwi rito noong Kapaskuhan. Nakasama pa ni Jennylyn ang ina sa birthday treat para sa ama ni Dennis Trillo.
Matatandaang ilang taong estranged si Jennylyn at ang kanyang ina at ang ama lang ng aktres ang nakikitang kasama niya sa bahay.
Ang gandang interbyuhin ang aktres kung paano sila nagkabati ng ina at kung sino ang unang nag-reach out.
Samantala, wala pang balita kung kailan ang airing ng Love You Two, ang rom-com series nina Jennylyn at Gabby Concepcion. Hindi pa sila nagsisimulang mag-taping. Hindi pa kasi kumpleto ang cast at pinipili pa ang director.
Anyway, ipapalabas sa Vietnam simula sa January 19 ang My Faithful Husband at nakakapanibago dahil in Vietnamese ang title ng serye. Hindi nabasa rito ang mga pangalan nina Jennylyn at Dennis kahit sila ang bida.
Comments