SEPAK TAKRAW NG GO-FOR-GOLD HANDANG SUMAGUPA SA SEAG

ABALA na ngayon sa pag­hahanda ang Philippine sepak takraw team na ina­gapayan ng Go-For-Gold para sa pakay na gold medal sa 30th Southeast Asian Games na idaraos sa bansa.

Sisimulan ng 2016 world champion ang kanilang ibayong paghahanda upang muling makamit ang tagum­pay para makapag-ensayo na sa Arafura Games sa Darvin, Australia sa Abril 26-Mayo 4 kung saan ang mga hebigat na teams ang maka­kalaban. “The key is to expose our players to as many overseas tournaments as we can for them to gain more experience against a variety of opponents,’’ ayon kay Pilipinas Sepak Takraw Association Inc. president Karen Tanchanco-Caballero.

Ibayong suporta ang ibibigay ni Go For Gold godfather Jeremy Go para sa sepak takraw buildup para sa 11-nation Games sa Nob. 30-Dis.11 na idaraos sa Clark, Subic at iba pang venues sa Metro Manila. Mata­pos ang kanilang kampanya sa Arafura, ang men’s at women’s squad ay darako sa South Korea at Thailand para mag-ensayo pa roon ng ilang buwan upang mahasa pa ang galing at pagtibayin ang competitive spirit ng mga atleta.

Nakapag-uwi sila ng silver at 3 bronze mula sa 2018 King’s Cup Sepak Takraw World Championships na idinaos sa Nakhon Rachasi­ma, Thailand kung saan naka­sagupa nila ang pinakapet­malu na sepak performances mula sa 31 bansa. “With more games and tournaments coming up, they are really bound to improve in time for the SEA Games,’’ ayon kay Go, na vice president din ng marketing of Powerball Mar­keting and Logistics Corporation ang kumpanya sa likod ng Go For Gold pro­ject.

Hinahasa rin ang players na sina Rheyjey Ortouste, Ronsited Gabayeron, Em­manuel Escote, Joshua Gleen Bullo, Alvin Pangan, John Carlo Lee at John John Bobier. Nasa tropa rin ng Go For Gold at Philippine Sports Commission sina John Jeffrey Morcillos, Joeart Jumawan, Nestleer Bandi­vas, Christian George Enca­bo at Regie Reznan Pabriga. Ang nasa women’s squad ay sina Mary Melo­dy Taming, Abegail Sinogbu­han, Gelyn Evora, Josefina Maat, Jean Marie Sucalit, Jea Mae Pepito, Jocielle Fernan­dez, Aisa Sabellita, Allyssa Ban­doy at Lhaina Lheil Mangu­bat. (MC)