Tinuklaw ng ahas sa paa

Socrates Magnus

Salaminin natin ang pa­­­naginip ni Marlyn ng Mar­lyn_Basto@facebook.com

Dear Professor,

Napanaginipan ko na tinuklaw daw ako ng ahas sa paa, nakabitin ito at hin­di ko maalis. Ano ang ibig sabihin nito?

Naghihintay,

Marlyn

Sa iyo Marlyn,

Nag-aabang sa landas ng buhay na iyong tinatahak ang tukso, kaya ang payo sa iyo ay mag-ingat ka palagi.

Nangangarap ang tao, ang totoo nga, sa lahat ng li­ving things, tao lang ang may kakayahang mangarap.

Gayunman, may mga ta­ong walang pangarap, kaya wala silang pag-asenso at magandang hinaharap.

Kitang-kita sa iyong pa­naginip na may gusto kang gawin sa buhay mo at dahil tinuklaw ka sa paa ng ahas sa panaginip, alam mo ba na ang ahas at ang demonyo ay iisa lang? Ang totoo nga, ang mis­mong larawan ng de­monyo ay ahas.

Alam mo, iha, ang de­monyo o ang ahas ay tala­gang buwisit sa buhay ng tao dahil ang hangarin nila sa mundo ay ang manira ng kapalaran. Dagdag pa rito, may lihim na dahilan kung bakit ganu’n ang layunin nila.

Noong nilikha ni God ang tao, sinabi Niya na, “have power, dominion and subdue the earth”.

Nang sabihin ito ni God ay naroroon ang lahat ng Kanyang nilalang at nan­du’n din si Satanas na nasa anyong ahas. Kaya nagulat ang ahas na demonyo at from that time, nainggit ang ahas at itinanim niya sa kan­yang puso na wawasakin niya ang buhay ng lahat.

Kaya ang mga pangarap sa landas ng buhay na ka­nilang tatahakin, naroroon at nag-aabang ang mga anak ni Satanas na ang misyon ay ang mabigo ang tao na ma­abot ang kanyang mga pa­ngarap.

Marlyn, huwag mong hahayaang masira ang iyong mga pangarap nang dahil lang sa tukso, kaya muli, mag-ingat ka palagi.

Hanggang sa muli,

Professor Seigusmundo

del Mundo