PITMASTERS CUP, MAAKSIYON ANG SULTADA NG MAY 200 KALAHOK

MAS malaki at mas maaksiyong sultada ang matutunghayan sa unang programa ng 2019 World Pitmasters Cup na itinakda sa Enero 17-26 sa Newport Performance Arts sa Resorts World Manila sa Pasay City. Mismong ang chief organizers at isa sa pinakasikat na fighting cock breeder sa bansa na si Gerry Ramos ang na­ngako nang mas malaking premyo para sa kampeon sa torneo na inaasahang lalag­pas sa record na 400 kalahok sa nakalipas na taon.

“Much bigger in terms of prizes and participants, ang ilalarga natin ngayong taon. After the success of Pitmasters Cup the past years, hindi na natin maawat ang sabong nation na ilaban ang kanilang mga alaga,” pahayag ni Ramos, ilang ulit na ring naging kampeon dito, gayundin sa Slashers Cup.

Aniya, sa kasalukuyan, umabot na sa 200 ang nagpadala ng kanilang intensyon na sumabak sa torneo ngayong taon. “Last year, umabot sa P24-M ‘yung pot prize natin. This year, we expect it to go higher,” aniya. Iginiit naman ni Sonny Lagon, isa sa pina­kamatagumpay na breeder sa bansa, na mas maraming breeder ang matinding naghahanda sa kanilang pagsali sa torneo dahil sa kampante at kumpiyansa sa bawat resulta ng laban. “Di­to kasi talagang ‘yung the best of the best,” aniya. Ipina­hayag naman ni Atong Ang na ang tagumpay ng Pitmas­ters Cup sa naka­li­pas na taon ay bunsod nang pag­kakaisa ng mga breeders at bawat staff ng torneo. (MC)