Malinaw ayon sa birthday...BEBOT NA NAKATAKDANG MAPANGASAWA ANG KASALUKUYANG BF

Maestro Honorio Ong

Dear Maestro,

Matagal na akong su­mu­subaybay sa inyong mga ar­tikulo at naisipan kong su­mangguni sa inyo dahil may ilang katanu­ngan ako sa bu­hay at sa aking kapa­laran.

Ang tanong ko ay kung panghabambuhay na ba kami ng boyfriend ko at kung magka­katuluyan kami? Sep­tember 29, 1990 ang birth­day ko at October 14, 1990 naman ang boy­friend ko.

Umaasa,

Julianne ng Balagbag, Cuenca, Batangas

Dear Julianne,

Compatible kayo ng ka­salukuyan mong boyfriend dahil kapwa kayo under sa zodiac sign na Libra kung saan ang birthday mong Sep­tember 29, 1990 at October 14, 1990 ang boyfriend mo ay sadya ngang tugma sa isa’t isa sapagkat pareho ka­yong nagtataglay ng elemen­tong hangin, kaya tulad ng nasabi na, sa pag-aanalisang Western Astrology, suwe­tung-suweto ang inyong pag­sasama at habang kayo ay nagmamahalan, itatala ang isang maligaya at pangha­bam­buhay na relasyon.

Dagdag pa rito, sa Nu­merology, ang birth date mong 29 o 2 (2+9=11/ 1+1= 2) ay nagtataglay ng plane­tang Moon-Neptune na na­iimpluwensiyahan din ng elementong tubig habang ang destiny number ng boy­friend mo na 7 (10+14+ 1990=2014/ 20+14=34/ 3+4=7) ay compatible sa iyo na ang ibig sabihin, sa pag-aanalisang pang-Nu­merology, tugmang-tugma ang inyong pagsasama.

Samantala, bukod sa birth date mong 29 o 2 (2+9 =11/ 1+1=2), ikaw din ay nag­­tataglay ng destiny num­ber na 3 (9+29+1990 =2028/ 20+28=48/ 4+8=12/ 1+2=3) na siya namang secondary number ng zodiac sign nin­yong Libra. Ibig sa­bihin, sa pag-a­analisang As­tro-Nu­mero­logy, compatible kayo ng boyfriend mo.

Kaya, ayon sa Decadens ng Kapalaran na pinaigting pa ng inyong Love Calendar sa susunod na taong 2020 o kaya ay ngayong taong 2019, sa edad ninyong 29 pataas, kayo na nga ang magkaka­tuluyan at tinatayang mag­sasama sa pagbuo ng isang maligaya at panghabam­buhay na pamilya.