Extortionist nakumpiskahan ng damo
Pabs Hernandez III
Jan 8, 2019
1 min read
LA UNION—Isang lalaki ang dinakip ng pulisya nang mahuli sa aktong nangingikil at nakumpiskahan pa ng marijuana, kamakalawa sa Bgy. San Blas, Luna sa lalawigang ito.
Kinilala ang suspek na si Jun Bautista, nakatira sa naturang barangay.
Ayon sa ulat, dinakip ng mga awtoridad si Bautista dahil sa pangingikil nito sa hindi pinangalanang biktima at nang kapkapan ang suspek ay nakumpiskahan pa ito ng isang sachet ng marijuana.
Nakapiit na ang suspek na nahaharap sa kasong extortion at paglabag sa Dangerous Drugs Act of 2002.
Comments