Tanggap na walang gamot ang sakit niya…KRIS, INIHABILIN NA SINA JOSH AT BIMBY SA MGA UTOL

Erlinda Rapadas / TEKA NGA

Right: Instagram circulated photo

HINDI pa rin tinatantanan si Kris Aquino ng kanyang iba’t ibang sakit at allergies, pero positibo siya na mata­tagpuan din ang tamang lunas sa tulong ng mga doktor niya abroad.

Sa Singapore nagpapaalaga ng kanyang kalusugan si Kris. Hindi siya nawawalan ng pag-asa. Bukas-palad na niyang tinanggap ang kanyang sit­wasyon.

Wish ni Kris na maging healt­hy ang dalawa niyang anak na sina Josh at Bimby. Si Bimby, madalas niyang ibilin sa kan­yang mga ka­patid upang mapa­ngalagaan nang husto. Gusto niyang si Bimby ang tuma­yong guardian ni Josh saka­ling may mangyari sa kanya.

Naihabilin na ni Kris sa anak na si Bimby na alagaan nito ang kanyang Kuya Josh. At his early age, nakikita na­man niyang very responsible young man si Bimby.

Ngayon pa lang, pinagha­han­daan na nang husto ni Kris ang magiging buhay ng kan­yang mga anak.

Kaya naman, humihingi siya ng dasal sa lahat upang ma­ka-recover siya sa kanyang mis­ter­yosong sakit.

Ang kalusugan nilang mag-anak ang prayoridad ngayon ni Kristeta. Hindi na siya humihiling ng mga materyal na bagay para sa kanyang sarili. Nasasabik na rin siyang maging normal na ang lahat at magawa ang mga tinanggap na endorsements.